ގަވަރުނަރު މުނައްވަރު ބޭންކުތަކާ ބައްދަލު ކުރައްވައިފި

ގަވަރުނަރު މުނައްވަރު ބޭންކުތަކާ ބައްދަލު ކުރައްވައިފި

އެމްއެމްއޭގެ ގަވަރުނަރު އަހުމަދު މުނައްވަރު ރާއްޖޭގެ ހުރިހާ ބޭންކުތަކާ ބައްދަލުކުރައްވައިފިއެވެ.

ގަވަރުނަރު މިއަދު ވަނީ ބޭންކް އޮފް މޯލްޑިވްސް (ބީއެމްއެލް)، މޯލްޑިވްސް އިސްލާމިކް ބޭންކް (އެމްއައިބީ)، ސްޓޭޓް ބޭންކް އޮފް އިންޑިއާ (އެސްބީއައި)، ބޭންކް އޮފް ސިލޯން (ބީއޯސީ)، މޮރޭޝަސް ކޮމާޝަލް ބޭންކް، ކޮމާޝަލް ބޭންކް އޮފް މޯލްޑިވްސްގެ އިތުރުން ހަބީބް ބޭންކާއި އެޗްއެސްބީސީގެ ވެރިންނާ ބައްދަލުކުރައްވައިފައެވެ.

އެމްއެމްއޭ އިން ބުނީ، އެ ބައްދަލުވުންތަކުގައި ބޭންކުތަކާއި އޮންނަ ގުޅުން މިހާރަށްވުރެ ރަނގަޅު ކުރުމަށާއި މާލީ ދާއިރާގެ ތަރައްގީއަށް ގުޅިގެން މަސައްކަތް ކުރުމަށް މަޝްވަރާ ކުރެއްވި ކަމަށެވެ. ރައްޔިތުންގެ މަޖިލީހުގެ މާލިއްޔަތު ކޮމިޓީގައި ވާހަކަދައްކަވަމުން ގަވަރުނަރު މުނައްވަރު ވަނީ ރާއްޖޭގެ މާލީ ދާއިރާއަށް ވަރަށް ބޮޑު ކުރިއެރުމެއް ގެނެސްދޭން މަސައްކަތް ކުރައްވާނެ ކަމަށް ވިދާޅުވެފައެވެ.

އެގޮތުން ޖީޑީޕީގެ ނިސްބަތުން މިހާރު މާލީ ދާއިރާއަކީ ހަ ޕަސެންޓް ކަމަށާއި އަމާޒަކީ ފަސް އަހަރުގެ ތެރޭގައި އެ އަދަދު ދެ ގުނަ ކުރުން ކަމަށް ވެސް ވިދާޅުވިއެވެ.

މުނައްވަރު ގަވަރުނަރުގެ މަގާމަށް އައްޔަން ކުރެއްވީ 31 ޖުލައި 2024ގައެވެ. މަގާމަށް އައްޔަންކުރެއްވި ދުވަހުން ފެށިގެން ގަވަރުނަރު ގެންދަވަނީ ރާއްޖޭގެ އިގުތިސާދީ އަދި މާލީ ހާލަތު ރަނގަޅު ކުރުމަށް އެކި ފަރާތްތަކާއި ގުޅިގެން މަސައްކަތް ކުރައްވަމުންނެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *