އެމެރިކާގެ ރިޔާސީ އިންތިޚާބުގައި ޑިމޮކްރެޓިކް ޕާޓީގެ ކެންޑިޑޭޓް ކެމަލާ ހެރިސްގެ ވައިސް ޕްރެޒިޑެންޓް ކެންޑިޑޭޓަކަށް މިނެސޯޓާގެ ގަވަރނަރ ޓިމް ވޯލްޒް ހޮވައިފިއެވެ. މިކަން ހެރިސްގެ ކެމްޕޭން އިން މިއަދު ވަނީ އިއުލާނުކޮށްފައެވެ.
ކުރީގެ ހައި ސްކޫލް ޓީޗަރެއް ކަމަށްވާ ވޯލްޒް އަކީ މިޑްވެސްޓްގެ ކުޑަ ރަށެއްގައި އުފަން، އާންމު ރައްޔިތުންނާ ގާތް ސިޔާސީ ލީޑަރެކެވެ. ހެރިސްގެ ކެމްޕޭން އިން އުންމީދު ކުރަނީ ވޯލްޒްގެ މި ސިފަތަކުން މިނިވަން އަދި ކޮންސަވޭޓިވް ވޯޓަރުންނަށް އަމާޒުވާނެ ކަމަށެވެ.
ވޯލްޒް ވަނީ ރިޕަބްލިކަން ޕާޓީގެ ކެނޑިޑޭޓް ޑޮނަލްޑް ޓްރަމްޕް އާއި އޭނާގެ ރަނިންމޭް ޖޭޑީ ވޭންސް އަކީ "ތާކުންތާކު ނުޖެހޭ" ދެ މީހުންގެ ގޮތުގައި ސިފަކޮށް މި ކެމްޕޭންގައި ގިނަ ބައެއްގެ ސަމާލުކަން ހޯދާފައެވެ. ހެރިސް ވެސް މިހާރު ވަނީ އޭނާގެ ވާދަވެރިޔާއަށް މި ލަގަބު ދޭން ފަށާފައެވެ.
ޓްރަމްޕް-ވޭންސް ކެމްޕޭން އިން ނެރުނު ބަޔާނެއްގައި ވޯލްޒްއަކީ "ނުރައްކާތެރި ލިބަރަލް އެކްސްޓްރީމިސްޓެއް" ކަމަށް ބުނެފައިވެއެވެ.
ހެރިސް އާއި ވޯލްޒް މިރޭ ފިލަޑެލްފިޔާގައި ބާއްވާ ރެލީއެއްގައި ރަސްމީކޮށް ބައްދަލުވާނެއެވެ. އޭގެ ފަހުން ދެ ކެންޑިޑޭޓުން މުހިންމު ބެޓްލްގްރައުންޑް ސްޓޭޓްތަކަށް ދަތުރުކުރާނެއެވެ.