ރައީސް ޑރ. މުޙައްމަދު މުއިއްޒުގެ ދެވަނަ ދައުރެއް ހޯއްދަވާ ދެއްވުމަށް ކުރެވެންހުރި ހުރިހާ މަސައްކަތެއް ކޮށްދެއްވާނެކަމަށ ްއިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
"އެކްސް" މެދުވެރިކޮށް ކުރެއްވި ޕޯސްޓެއްގައި، ޝަހީމް ވިދާޅުވީ ރައީސް މުއިއްޒު ޙަވާލުކުރެއްވި މަސްއޫލިއްޔަތު އަދާކުރުމުގައި ވަރަށް ސާބިތުކަމާއެކު ދެމިހުންނާނެ ކަމަށެވެ.
ޝަހީމްގެ ޕީއެޗްޑީ ސެޓްފިކެޓާ ގުޅޭގޮތުން ސޯޝަލް މީޑިއާގައި ދެކެވެމުންދާ ވާހަކަތަކަށް ރައްދު ދެއްވަމުން، މިނިސްޓަރު ވިދާޅުވީ އަބުރު ކަތިލުމުގެ މަސައްކަތް ނާކާމިޔާބުވާނެ ކަމަށެވެ.
މި މައްސަލައިގައި ދީނީ އިލްމުވެރިންކަމުގައިވާ ޑރ. މުޙައްމަދު ޢިޔާޒް ޢަބްދުއްލަޠީފާއި ޝެއިޚް އިލްޔާސް ޙުސައިން ވަނީ ޝަހީމްގެ ދިފާއުގައި ނިކުމެވަޑައިގެންފައެވެ. އެކަމަށްޓަކައި ޝަހީމް ވަނީ އެ ދެބޭފުޅުންނަށް ޝުކުރު އަދާކުރައްވާފައެވެ.
އެކުވެރިކަމުގެ ބާރުގަދަކަން ފާހަގަކުރައްވަމުން، ޝަހީމް ވަނީ އެންމެން ގުޅިގެން ރައީސް މުއިއްޒަށް އެއްބާރުލުން ދިނުމަށް ގޮވާލައްވާފައެވެ.
ކޮމެންޓު ފޮނުވާ