އައްޑޫގައި ފެން ހިންދާ ނިޒާމު ގާއިމް ކުރުމަށް ކޮނެފައިވާ ހިސާބުގައި ހުރި ވެލިފުންޏަކަށް ސައިކަލެއް އަރާ ހިނގި އެކްސިޑެންޓުގައި އަނިޔާވި މީހަކު މާލެ ގެނައުމަށް މަސައްކަތް ކުރަމުންދާކަމަށް ފުލުހުން ބުނެފިއެވެ.
ފުލުހުން ބުނެފައިވަނީ ރޭ 11:39ގައި ހިނގި މި އެކްސެންޓުގައި، މަގުގައި ހުރި ވެލި ފުންޏަށް ސައިކަލު އަރާފައި ވަނީ، ބާރު ސްޕީޑެއްގައި ގޮސް ކޮންޓްރޯލު ނުވެގެން ކަމަށެވެ.
އަދި ފުލުހުން ބުނެފައިވަނީ މި ހާދިސާގައި އަނިޔާވެފައި ވަނީ ސައިކަލު ދުއްވަން އިން 23 އަހަރުގެ ދިވެހި ފިރިހެނެކަށް ކަމަށާއި އައްޑޫ އިކުއަޓޯރިއަލް ހޮސްޕިޓަލުގައި އޭނާއަށް ފަރުވާ ދެމުން ދާކަމުގައެވެ.
އިތުރު ފަރުވާ ދިނުމަށް މާލެ ފޮނުވަން އުޅޭ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވޭ.
މީޑީއާ ގްރޫޕަށް ފުލުހުން ހިއްސާކުރި މެސެޖްގައި ބުނެފައިވެ އެވެ.
ފުލުހުން ބުނެފައިވަނީ، މި ހާދިސާ އިތުރަށް ތަހުގީގު ކުރަމުންދާ ކަމުގައެވެ.
