ދިވެހިރާއްޖޭގެ މިނިވަންކަން ދެމެހެއްޓޭނީ ދަރަނިން ސަލާމަތްވެވި ތިބެވިގެން ކަމުގައި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ. ނަޝީދު މިހެން ވިދާޅުވީ، މިއަދު ފާހަގަ ކުރެވެމުންދާ މިނިވަން ދުވަހުގެ ތަހުނިޔާ ވިދާޅުވުމަށް ކުރެއްވި އެކްސް ޕޯސްޓެއްގައެވެ.

ނަޝީދުގެ އެކްސް ޕޯސްޓުގައި ވިދާޅުވީ މިނިވަންކަން ދެމެހެއްޓޭނީ ބޭރުގެ ދަރަނިން ސަލާމަތް ވެވިގެން ކަމަށާއި، ދަރަނި ނެތި އުޅުމުން ސަރުކާރުން ދޭ އެތައް ޚިދުމަތަކުން މަހުރޫމްވާނެ ކަމުގައެވެ.

އެހެންނަމަވެސް ބުއްދިވެރިކަން އިސްކުރުން ވަރަށް މުހިންމު ކަމުގައި ނަޝީދު ވިދާޅުވިއެވެ.

ދިވެހި ރާއްޖޭގެ މިނިވަން ދުވަސް ފާހަގަކުރަނީ އިނގިރޭސީންގެ ޙިމާޔަތުން ރާއްޖެއަށް މިނިވަންކަން ލިބުނު މުނާސަބާ ފާހަގަ ކުރުމުގެ ގޮތުންނެވެ. ރާއްޖެ މިނިވަންވީ އިނގިރޭސި ސަރުކާރާއި ދިވެހި ސަރުކާރާ ދެމެދު ސޮއިކުރެވުނު މިނިވަންކަމުގެ އެއްބަސްވުމަކާއެކުއެވެ. މި އެއްބަސްވުމުގައި ސޮއިކުރެވުނީ 1965 ވަނަ އަހަރުގެ ޖުލައިމަހުގެ 26 ވަނަ ދުވަހުއެވެ.