ރާއްޖެއަށް ބިދޭސީން އެތެރެކުރުމަށްފަހު، ބިދޭސީންނަށް ދައްކަންޖެހޭ ފީތަކާއި ޖޫރިމަނާ ނުދައްކާ ގިނަ އަދަދެއްގެ ކުންފުނިތަކުގެ މައުލޫމާތު ހޯމް މިނިސްޓްރީން އާންމުކޮށްފިއެވެ. މިލިސްޓުގައި 1،000 އަށްވުރެ ގިނަ ކުންފުނިތައް ހިމެނެއެވެ.
ހޯމް މިނިސްޓްރީން ކުރި އިއުލާނެއްގައި ބުނެފައިވަނީ، ވަޒިފާއާބެހޭ ގާނޫނުގެ 65ވަނަ މާއްދާގެ ހ، ށ، ނ އަދި އެ މިނިސްޓްރީ، ދިވެހިރާއްޖޭގައި ވަޒީފާ އަދާކުރާ ބިދޭސީންނާއި ގުޅިގެން ދައްކަންޖެހޭ ފީތަކާއި ގުޅޭ އިއުލާނާއި އަދި އެމިނިސްޓްރީން ކޮށްފައިވާ 65 ނަންަބރު އިއުލާނަށް ހަވާލާދީ، ދިވެހިރާއްޖޭގައި ވަޒީފާ އަދާކުރާ ބިދޭސީންނާއި ގުޅިގެން ދޫކުރާ ހުއްދަތަކަށް ދައުލަތަށް ދައްކަންޖެހޭ ފީތަކާއި ޖޫރިމާނާތަކުގެ އަދަދު 100،000 ރުފިޔާއަށްވުރެ އިތުރުވާ ވަޒީފާ ދޭ ފަރާތްތަކުގެ މައުލޫމާތު މިނިސްޓްރީގެ އިއުލާނާއެކު އާންމު ކޮށްފައިވާ ކަމުގައެވެ.
އަދި މި ފަރާތްތަަކުން ދައުލަތަށް ދައްކަންޖެހޭ ފައިސާ ދެއްކުމަށް އަންނަ އޮގްސްޓުކަމަހުގެ 12 ވަނަ ދުވަހާއި ހަމައަށް ވަނީ މުހުލަތުވެސް ދީފައެވެ.
މިނިސްޓްރީގެ އިއުލާންގައި ބުނެފައިވަނީ މި މުއްދަތުގައި ފައިސާ ނުދައްކާ ފަރާތްތަކަށް އެކްސްޕެޓް ސިސްޓަމް މެދުވެރިކޮށް އާ ހުއްދަ ދިނުން ހުއްޓާލާނެކަމަށެވެ. ހޯމް މިނިސްޓްރީން ބުނެފައިވަނީ މިކަމާއި ގުޅޭގޮތުން އިތުރު މައުލޫމާތު ހޯދުމަށް 1500 ނަންބަރާއި ގުޅުއްވުމަށް ނުވަނަ
[email protected] އަށް އީމެއިލް ކުރެއްވުމަށެވެ.
