2021 ވަނަ އަރުގައި އެކްޓަރު ވިކީ ކޯޝަލް އާއި ކައިވެނި ކުރި ފަހުން ބަތަލާ ކެޓްރީނާ ކައިފްގެ ބަނޑުބޮޑު ވާހަކަތަށް ދޭތެރެ ދޭތެރެއިން އަންނަނީ ގަދަވަމުންނެވެ. ކޮންމެ ފަހަރަކުވެސް މިވާހަކަ ތަކުގައި ފުލުސްޓޮޕް ޖެހި މިއީ ބިލާހަކަށް ވެގެން ދަނީއެވެ.
ކޮންމެއަކަސް އަނެއްކައިވެސް ކެޓްރީނާ ބަނޑުބޮޑުކަމުގެ އަޑުތަށް މިދުވަސް ކޮޅު މި ވަނީ ވަރަށް ގަދަވެފައިއެވެ. މިފަހަރު މިއީ ވަރަށް ކަށަވަރު ހަބަރެއް ކަމަށް މުނިފޫހި ފިލުވުމުގެ ހަބަރުތަށް ގެެނެސްދޭ ނޫސްތަކުން އަންނަނީ ބުނަމުނެނެވެ.
މިއަޑުތަށް ގަދަވެފައި މިވަނީ މިފަހުން ހުކުރު ދުވަހުގެ ރޭ އޮތް އާނަންތު އަމްބާނީއާއި ރަދިކާ މާޗަންތުގެ ކައިވެނީގެ ހަފްލާއަށް ކެޓްރީނާ ފެނުމާއި ގުޅިގެންނެވެ. ފޮޓޯ އަކަށް ހުއްޓުމަށް އޭނާ އެއްފަރާތަކަށް ހުއްޓުމާއި އެކުގައި އެންމެން ގެ ލޮލުގައި ވަނީ އޭނާގެ ބަނޑު އަޅައިގެންފައިއެވެ. އެއްކޮން ފޮރުވިފައިވާ ސާރީގައި ވެސް މީހުންނަށް އޭނާ ބަނޑު ވަނީ ފާހަގަ ވެފައިއެވެ.
އެއާއެކު އެގޮތަށް އޭނާ ހެދުން އަޅާފައިހުރީ ބަނޑުބޮޑުކަން ފޮރުވަން ކަމަށާއި ކެޓްރީނާއަށް ބަލާލުމުން ވެސް އޭނާ ބަނޑުބޮޑުކަން އެނގޭ ކަމަށް މީހުން ގިނަ މީހުން ބުނެ އެވެ.
View this post on Instagram
މިފަހުން ވިކީ އާއި ކެޓަރީނާގެ ލަންޑަން ޗުއްޓީގައި ވެސް މިވާހަކަތަށް އަޑުވަނީ ގަދަވެފައިއެވެ. އަދި އެއާޕޯޓް އާއި އެހެންވެސް ތަންތަނުން ކެޓްރީނާ ފެންނަނީ އޯވާ ސައިޒްގެ ހެދުންތަކުގައިއެވެ.
މިކަމާއި ގުޅިގެން މިހާތަނަށް އަދި އެދެމީހުން ކުރެ އެކަކުވެސް އެއްވެސް ވާހަކައެއް ދައްކައިފައިއެއް ނުވެއެވެ. އެހެން ކަމުން މިކަމާއި ގުޅޭގޮތުން ކަށަވަރު ހަބަރެއް އަދި މީޑިއާގެ އަތުގައި ޖެހިފައިއެއް ނުވެއެވެ.
