ވިކީ ކޯޝަލާއި ޓްރިޕްތީ ދިމްރީގެ އިތުރުން އައްމީ ވާކް ލީޑުން ފެނިގެންދާ ފިލްމް "ގުޑް ނިއުސް" އިން ދޫކޮށްލި އެ ފިލްމްގެ ފުރަތަމަ ލަވަ "ތޯބާ ތޯބާ" ގެ ނެށުން ގަނޑުގެ ޖާދޫގައި އެންމެން ޖައްސައިފައިއެވެ.
މިހާރު މުޅި ސޯޝަލް މީޑިއާ ހިސޯރު ކޯށްލައިފައިވަނީ ވިކީގެ މި ނެށުންގަށެވެ. ވިކީ ފަދައިން ނަށައިލެވޭތޯ އެންމެ ސޯޝަލް މީޑިއާގައި މަސައްކަތް ކުރަމުން ދާއިރުގައި މި ވަލަ ވަނީ ވަރަށް ބޮޑަށް ވައިގައި ހިފައިއެވެ.
މި މަހުގެ 19 ގައި ރިލީޒްކުރަން ތާވަލުކޮށްފައިވާ ރޮމޭންޓިކް ކޮމެޑީ "ބޭޑް ނިއުސް" އިން އާންމުކުރި ފުރަތަމަ ލަވަ "ތޯބާ ތޯބާ" މި ވަނީ މިހާރު ވަރަށް ބޮޑަށް ޓްރެންޑްވެފަ އެވެ. މި ލަވައިގެ ޖާދޫގެ ސިއްރަކީ ލަވައިގައި ވިކީ ދައްކުވައި ދީފައިވާ ހިތްގައިމު ނެށުމެވެ.
މާ ފޯރި ގަދަ ނޫން އަދި އަޑު އަހައިލަން ވެސް ފަސޭހަ މިއުޒިކަކަށް ހަދާފައިވާ ލަވައިގައި ވިކީ ވަނީ ވަރަށް އުނދަގޫ ސްޓެޕްތަކަކާ އެކީ ގިނަ ބައެއްގެ ހިތްތައް އަތުލައިފަ އެވެ.
އާންމުކޮން މިގޮތަށް ވަރުގަދަ ނެށުންތަށް ފިލްމްގައި ނަށައިފައިނުވާ، ނެޝަނަލް އެވޯޑް ހޯދި އެކްޓަރުގެ މި ނެށުމުގެ މޮޅުކަމުން އެންމެން ތިބީ ސޮނިވެއްޓިފައިއެވެ. މިކަމާ ކޮންމެއަކަސް ވިކީ ހުރީ ނިކަން އުފަލުންނެވެ.
