މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މުވައްޒަފުންނަށް ހާއްސަކޮށްގެން ހިންގާ ހެލްތް ސްކްރީނިން ޕްރޮގްރާމެއް މިއަދު ފަށައިފިއެވެ.
ތިން ދުވަހުގެ މުއްދަތަކަށް ކުރިއަށް ގެންދާ މި ޕްރޮގްރާމްގައި މިއަދު އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދާއި އެ ކުންފުނީގެ އިސްވެރިން ވަނީ ބައިވެރިވެވަޑައިގެންފައެވެ.
އެމްއޭސީއެލުން ބުނީ، ސޭފްޓީ، ސެކިއުރިޓީ އެންޑް ކޮމްޕްލިއެންސް ޑިޕާޓްމެންޓުގެ އޮކިއުޕޭޝަނަލް ހެލްތް ޓީމުން ކުރިއަށް ގެންދާ ސްކްރީނިންގައި ބޮޑީ މާސް އިންޑެކްސް (ބީއެމްއައި) އެސެސްމެންޓް، ދަތުގެ ޗެކްއަޕް، ލޮލުގެ ސްކްރީނިންގެ އިތުރުން ހަކުރު ބައްޔަށް ޓެސްޓް ކުރުން ކުރިއަށްދާނެ ކަމަށެވެ.
މި ޕްރޮގްރާމްގެ ބޭނުމަކީ އެމްއޭސީއެލްގެ މުވައްޒަފުންގެ ސިއްހީ ދުޅަހެޔޮކަން ކަށަވަރު ކުރުމަށް ކަމަށް ވެސް އެމްއޭސީއެލުން ވަނީ ބުނެފައެވެ.
