ހުރިހާކަމެއް ރަގަޅަށް ދާނަމަ، ޗައިނާއާއެކު ހަދާފަވާ ފްރީ ޓްރޭޑް އެގްރީމެންޓަށް އަންނަ ސެޕްޓެމްބަރު މަހުގެ ތެރޭގަ އަމަލްކުރަން ފެށޭނެ ކަމުގައި އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.
މިރޭ ބޭއްވުނު ޕީއެންސީގެ ޖަގަހަ ޖަލްސާގައި ވާހަކަ ދައްކަވަމުން ސައީދު ވިދާޅުވީ މި އެއްބަސްވުމަށް މިމުއްދަތުގައި އަމަލުކުރެވިގެންދާނެކަމުގެ ޔަގިންކަން ރައްޔިތުންގެ މަޖިލީހުންވެސް ދެއްވާފައިވާ ކަމުގައެވެ.
މީގެ އިތުރުން ޗައިނާއާއެކު ހަދާފަވާ ފްރީ ޓްރޭޑް އެގްރީމެންޓު, ހުރިހާ ކަމެއް ރަނގަޅަށް ދާނަމަ އިރާދަކުރެއްވިއްޔާ ސެޕްޓެމްބަރު މަހުގެ ތެރޭގަ އެކްޓިވޭޓް ކުރެވޭނެކަން މިއަދު އަޅުގަނޑުމެންނަށް ޔަގީން ކުރެވިގެން މިދަނީ, އަޅުގަނޑުމެންގެ މަޖިލީހުންވެސް ދެއްވާ ޔަގީންކަމާއެކު.
ސައީދު ވިދާޅުވިއެވެ.
މިރޭގެ ޖަލްސާގައި ވާހަކަ ދައްކަވަމުން ސައީދު ވިދާޅުވީ، މި އެއްބަސްވުމަށް އަމަލް ކުރެވެން ފެށުމުން، އެތައްސަތޭކަ އައިޓަމެއް ޑިއުޓީ ފްރީކޮށް ރާއްޖެއަށް އެތެރެކުރުމުގެ ފުރުސަތު ލިބިގެންދާނެ ކަމަށާއި، އަދި އޭގެ އިތުރުން ކަނޑުމަހުގެ އެތައް ބާވަތެއް ރާއްޖެ އެތެރެ ކުރުމަށްފަހު ވެލިއު އެޑްކޮށް، އަލުން ރީ އެކްސްޕޯޓު ކުރުމުގެ ފުރުސަތުވެސް ލިބިގެންދާނެ ކަމުގައެވެ.
ސައީދު ވިދާޅުވީ ޗައިނާގެ އިތުރުން އިންޑިއާއާއެކު ރާއްޖޭގެ އިގްތިޞާދު ރަނގަޅު ކުރުމުގެ މަސައްކަތްތައް ކުރެވެމުން ދާކަމަށާއި، ޗައިނާއާއި އިންޑިއާއެކު ވިޔަފާރީގެ ގުޅުން ގާއިމް ކުރުމުން، ދެގައުމާއިއެކުވެސް ކުރާ ވިޔަފާރީގެ މުއާމަލާތްތައް އަމިއްލަ ގައުމުގެ ކަރަންސީން ކުރެވޭނެ އިންތިޒާމުތައް ހަމަޖެހިގެން ދާނެކަމުގައެވެ. އޭގެ ސަބަބުން ފޮރިންގ އެކްޗޭންޖަށް އޮތް ޕްރެޝަރު ވަރަށް ބޮޑަށް ކުޑަކުރެވިގެން ދާނެ ކަަމަށްވެސް ސައީދު ވިދާޅުވިއެވެ.
