އެމްޑީޕީގެ ރައީސް އަބްދުﷲ ޝާހިދު ޗައިނާގެ ރައީސް ޝީ ޖިންޕިން އާއި ބައްދަލުކުރައްވައިފިއެވެ.
ޝާހިދު ޝީ ޖިންޕިން އާއި ބައްދަލުކުރެއްވީ"ފައިވް ޕްރިންސިޕަލްސް އޮފް ޕީސްފުލް ކޯއެކްސިސްޓެންސް" އަށް 70 އަހަރުވުމާއި ގުޅިގެން ބާއްވާ ކޮންފަރެންސްގައި ބައިވެރިވުމަށް ޗައިނާއަށް ވަޑައިގެން، އެ ކޮންފަރެންސްގެ ހަވާސާގައެވެ.
ޝާހިދު މީސް މީޑިއާގައި ކުރެއްވި ޕޯސްޓެއްގައި ވިދާޅުވީ ޝީ ގެ ހިތާބުގައި، ސުލްހަވެރި ތަނަވަސް ދުނިޔެއަކަށް ދިޔުމަށް ވެވަޑައިގެން ވައުދުން ހިތްވަރު ލިބިގެންދިޔަ ކަމަށެވެ. ޝާހިދު އިތުރަށް ވިދާޅުވީ އިންސާނިއްޔަތަށް އޮތީ އެންމެ މަގެއް ކަމަށާއި، އެއީ ސުލްހަވެރިކަމާއެކު އެއްބަޔަކު އަނެއްބަޔަކާއެކު ދިރިއުޅުން ކަމަށެވެ.
ޝާހިދު އިތުރަށް ވިދާޅުވީ އެންމެން އެކުގައި ކުރެވޭ މަސައްކަތްތަކުގެ ނަތީޖާއެއްގެ ގޮތުން ގޮންޖެހުންތަކާއި ކުރިމަތިލައި، ދެމެހެއްޓެނިވި، ސުލްހަވެރި، ހަމަޖެހޭ އަދި ފާގަތި މުސްތަގުބަލެއް ހޯދުމަށް މަގުފަހިވެގެން ދާނެ ކަމުގައެވެ.
