ރާއްޖޭގެ މިނިސްޓަރ އޮފް އެކޮނޮމިކް ޑިވެލޮޕްމެންޓު އެންޑް ޓްރޭޑް މުހައްމަދު ސައީދު ރަސްމީ ދަތުރުފުޅެއްގައި ޗައިނާއަށް ފުރާވަޑައިގެންފި އެވެ.
އެކޮނޮމިކް މިނިސްޓްރީއިން ބުނީ ޗައިނާގައި ބާއްވާ ދުނިޔޭގެ އެކޮނޮމިކް ފޯރަމްގައި ބައިވެރިވެވަޑައިގަތުމަށް މިނިސްޓަރ ސައީދު ޗައިނާއަށް ފުރާވަޑައިގެންނެވީ ރޭގެ ވަގުތެއްގައި ކަމަށެވެ.
އެގޮތުން މި ދަތުރުފުޅުގައި މިނިސްޓަރ ސައީދު ޗައިނާގެ މިނިސްޓްރ އޮފް ކޮމާސް އާއި ވިޔަފާރީގެ ދާއިރާއާއި މާލީ ދާއިރާ ކުރިއެރުވުމާ ގުޅޭ ކަންކަމުގައި އިސްވެރިންނާއި ބައްދަލުކުރެއްވުމަށް ހަމަޖެހިފައިވާ ކަމަށެވެ.
މިއަހަރުގެ ދުނިޔޭގެ އޮކޮނިމިކް ފޯރަމް ކުރިޔަށް ގެންދިޔުމަށް ހަމަޖެހިފައިވަނީ ޗައިނާގެ ދާލިއަން ގައި އެވެ.
ޗައިނާއަކީ ވިޔަފާރީގެ ދާއިރާގައި ރާއްޖެއާއި އެންމެ ގުޅުން ބޮޑު ގައުމެވެ. އެގޮތުން ރައީސް މުއިއްޒުގެ ވެރިކަމާއި އެކު ރާއްޖޭގެ ވިޔަފާރީގެ ދާއިރާގައި ޗައިނާގެ ދައުރު ބޮޑެވެ.
