ކަރަންޓުގައި ޖެހުނު އުނގޫފާރުގެ ޒުވާނާ ނިޔާވެއްޖެ

ކަރަންޓުގައި ޖެހުނު އުނގޫފާރުގެ ޒުވާނާ މާލޭގައި ފަރުވާ ދެމުން ދަނިކޮށް ނިޔާވެއްޖެއެވެ.

އެ ޒުވާނާއަށް ފަރުވާދެމުން އައީ އައިޖީއެމްއެޗްގައި ވެންޓިލޭޓަރުގައި ފަރުވާދެމުން ދަނިކޮށެވެ.

އައިޖީއެމްއެޗުން ބުނީ އެ ޒުވާނާ ނިޔާވީ މިއަދު ހެނދުނު 10:30 ގައި ކަމަށެވެ.

އިތުރު ފަރުވާއަށް 18 އަހަރުގެ ޒުވާނާ މާލެ ގެނައިއިރުވެސް ހާލު ސީރިސްވެ އޮތީ ވެންޓިލޭޓަރުގައެވެ. ޒުވާނާއަށް ފަރުވާ ދެމުންދިޔައީ އައިޖީއެމް ހޮސްޕިޓަލުގައެވެ.

ފާއިތުވި މޭމަހުގެ 23 ވަނަ ދުވަހު އުނގޫފާރުގައި ކަރަންޓުގައި ޖެހިގެން އެރަށު ހޮސްޕިޓަލަށް ގެންދެވުނީ 8 އަހަރުގެ ކުއްޖަކާއި 18 އަހަރުގެ ޒުވާނެކެވެ. މިކުދިން ކަރަންޓުގައި ޖެހުނު މަންޒަރު ފެނުނު 12 އަހަރުގެ އަންހެން ކުއްޖަކުވެސް ހާލު ދެރަވެގެން ހޮސްޕިޓަލަށް ގެންދެވުނެވެ. އެހެންނަމަވެސް އެ ކުއްޖާއާއި 8 އަަހަރުގެ ކުއްޖާ ފަހުންވަނީ ހޮސްޕިޓަލުން ދޫކޮށްލާފައެވެ.

މިހާދިސާގައި ފުރަތަމަ ކަރަންޓުގައި ޖެހުނީ، މަގުމަތީގައި ކުޅެން އުޅުނު 8 އަހަރުގެ ކުއްޖާ މަގުމަތީ ފެންގަޑަށް އެރުމުންނެވެ. އަދި އެކުއްޖާ ސަލާމަތްކުރުމަށް ފެންގަޑަށް އެރުނު 18 އަހަރުގެ ކުއްޖާވެސް ކަރަންޓުގައި ޖެހުނީއެވެ.

ފެންގަޑަށް ކަރަންޓު ދޫވެފައި ހުރީ ފެންގަނޑު ކައިރީގައި ހުރި މަގު ބައްތީގެ ވަޔަރިންގެ މައްސަލައެއް ދިމާވެގެންނެވެ.