ބޮލީވުޑްގެ މަޝްހޫރު ތަރިއެއްކަމަށްވާ ޕްރިތީ ޒިންތާގެ އެންމެ ފަހުގެ ފިލްމް ކަމަށްވާ "ލާހޯރް 1947″ ގެ ޝޫޓިން ނިންމާލައިފިއެވެ.
ގިނަ ދުވަސްތަކެއް ވަންދެން ބޮޑު ސްކްރީން އާއި ދުރުގައި ހުރުމަށްފަހު ޕްރިތީ އެންބުރި އަންނަ ފިލްމް އަކީ ސަނީ ގެ ކުރިއަށް އޮތް ފިލްމް "ލާހޯރް 1947″ އެވެ. މި ފިލްމް ގައި އޭނާ ކުޅޭނީ ލީޑް ރޯލު ކަމަށް ވެސް މައުލޫމާތު ލިބެއެވެ.
އެ ފިލްމް އަކީ އާމިރު ޚާން ޕްރޮޑިއުސްކޮށް، ރާޖްކުމާރު ސަންތޯޝީ ޑައިރެކްޓްކުރާ މި ފިލްމު މިދިޔަ އަހަރު އިއުލާންކުރި ފިލްމްއެކެވެ. މި ފިލްމް އަކީ ގިނަ ދުވަސްތަކެއް ވަންދެއް ބޮޑު ސްކްރީން އާއި ދުރުގައި ހުރުމަށްފަހު ސަނީ އެނބުރި އައި ފިލްމް "ގަދަރް 2″ ގެ ބޮޑު ކާމިޔާބަށް ފަހު ކުޅޭ ދެވަނަ ފިލްމްއެވެ.
View this post on Instagram
އަންނަ އަހަރު ރިލީޒްކުރާނެ ކަމަށް ބެލެވޭ މި ފިލްމުގެ ކާސްޓްގައި ޝަބާނާ އާޒްމީ އާއި އަލީ ފަޒަލްގެ އިތުރުން ސަނީގެ ދޮށީ ދަރިފުޅު ކަރަން ޑިއޯލް ވެސް ހިމެނެ އެވެ. އަދި "ލާހޯރް 1947″ ގެ ހާއްސަ ފެނިލުމެއްގައި ޕްރޮޑިއުސަރު އާމިރު ވެސް ހިމެނެ އެވެ.
ޕްރިތީ އެންމެ ފަހުން ކުޅުނު ފިލްމަކީ 2018 ވަނަ އަހަރު ގެނެސްދިން "ބައްޔާޖީ ސުޕަހިޓް" އެވެ. އެ ފިލްމަށް މާ ބޮޑު ތަރުހީބެއް ނުލިބުނެވެ.
