2019 ވަނަ އަހަރުގެ ކާމިޔާބު ފިލްމު "ދޭ ދޭ ޕިޔާރް ދޭ" ގެ ދެވަނަ ބައިގެ ޝޫޓިން ބަތަލާ ރަކުލް ޕްރީތް ސިންގް ފަށައިފިއެވެ.
މި ފިލްމުގެ ލީޑުން ފެނިގެން ގޮސްފައިވަނީ އަޖޭ ދޭވްގަން އާއި ރަކުލް ޕްރީތު ސިންގް އަދި ތަބޫއެވެ. މި ފިލްމް އަކީ ދަރިއެއްގެ އުމުރުގެ ކުއްޖާކާ ހިތާވެވޭ މީހަކަށް ކުރިމަތިލާން ޖެހޭ ކަންތައްތަކެއް މަޖާ ގޮތަކަށް ގެނެސް ދީފައިވާ ފިލްމެކެވެ.
"ދޭ ދޭ ޕިޔާރް ދޭ 2″ ރަކުލް މިކަން ހާމަކޮށްފައިވަނީ އޭނާގެ އިންސްޓަގުރާމުގެ ސްޓޯރީގައި ޝޫޓިންއަށް ތައްޔާރުވަމުން ނަގާފައިވާ ފޮޓޯއެއް ހިއްސާކޮށްފައެވެ. އަދި އޭނާގެ އަތުގައި ފިލްމުގެ ސްކްރިޕްޓްވެސް އޮތްތަން ފެނިގެން ދެއެވެ.
ޑައިރެކްޓަރ ލަވް ރަންޖަން ޕްރޮޑިއުސްކޮށް، އާކިވް އަލީ ޑައިރެކްޓްކޮށް ގެނެސްދިން "ދޭ ދޭ ޕިޔާރު ދޭ" އަކީ އާބަން ރޮމޭންޓިކް ކޮމެޑީއެކެވެ. މި ފިލްމް އަކީ ބެލުންތެރިންގެ ބޮޑު ތަރުހީބެއް ލިބިގެން ދިޔަ ފިލްމެކެވެ.
