އިންޑިއަން ކައުންސިލް ފޯ ކަލްޗަރަލް ރިލޭޝަންސް (އައިސީސީއާރް) ގެ ފަރާތުން 34 ދަރިވަރަކަށް ސްކޮލާޝިޕްތަކަށް އެދުމުގެ ފުރުސަތު ހުޅުވާލައިިފި އެވެ.
މި ފުރުސަތުގައި ދިވެހި ދަރިވަރުންނަށް އިންޑިއާގެ ބޮޑެތި ސިޓީތަކުގެ އެންމެ މަތީފަންތީގެ ޔުނިވަސިޓީތަކުން އަންޑަ ގްރެޖުއޭޓް، ޕޯސްޓް ގްރެޖުއޭޓް އަދި ޕީއެޗްޑީ ފެންވަރަށް ސައިންސް، އިންޖިނިއަރިން، ބިޒްނަސް، ކޮމާސް އަދި އެހެނިހެން ދާއިރާތަކުން ކިޔެވުމުގެ ފުރުސަތު މިހާރު ވަނީ ހުޅުވާލައިފަ އެވެ.
އަދި އިންޑިއާގެ ސަގާފަތުގެ ދާއިރާއިން އިލްމު އުނގެނުމުގެ ފުރުސަތަށް ބައިނަލައަގްވާމީ ގޮތުން 100 ސްކޮލާޝިޕް ސްލޮޓްވެސް ވަނީ ހުޅުވާލާފަ އެވެ. އިންޑިއާގެ ސަގާފަތުގެ ތެރެއިން މިއުޒިކް، ޑާންސް، ތިއޭޓާ، ޕާފޯމިންގް އާޓްސް، ސްކަލްޕްޗާ، އިންޑިއާގެ ބަސްތަކާއި އިންޑިއާގެ ކެއުމާއި ގުޅޭގޮތުން ދަސްކުރުމުގެ ފުރުސަތު ލިބޭނެ އެވެ.
މި ސްކޮލަޝިޕް ފުރުސަތުތަށް ހުޅުވާލާފައި ވަނީ އުމުރުން 18 އަހަރާއި 35 އަހަރާއި ދެމެދުގެ އަހަރުގެ ޒުވާނުންނަށެވެ. ޕީއެޗްޑީ ސްކޮލަޝިޕަށް ކުރިމަތިލެވޭ އެންމެ ދޮށީ އުމުރަކީ 45 އަހަރެވެ.
ސްކޮލާޝިޕްތަކަށް ޝައުގުވެރިވާ ދަރިވަރުން މި މަހުގެ 15 ވަނަ ދުވަހުގެ ކުރިް އައިސީސީއާރްފެ އޭޓޫއޭ ޕޯޓަލަށް ލިޔެކިޔުންތަކާއި އެކުގައި ހުށަހަޅަން ޖެހޭނެ އެވެ.
