ފާނަ މަސްވެރިކަމަށް މޫދަށް އެރިއުޅުނު ބިދޭސީއެއްގެ ގައިގައި ލޯނޗަކުން ޖެހި އޭނާ މަރުވެއްޖެއެވެ.
ބިދޭސީމީހާ މީހާއަކީ ފީއަލީގައި ފާނަ މަސްވެރިކަމުގައި އުޅޭ މީހެކެވެ.
މިހާދިސާ ހިނގާފައިވަނީ އދ.ދަނގެތި ކައިރިއަށް ހޮނިހިރު ދުވަހު އެ ބިދޭސީމީހާ ފާނައަށް ގޮސް އުޅެނިކޮށް އޭނާ މޫދުގައި އޮއްވާ އެހެން، ލޯނޗެއް އެމީހާގެ ގައިމަތިން ދިއުމުގެ ސަބަބުންނެވެ. އެމީހާގެ ކަނދުރާއަށް ވަރަށް ބޮޑަށް އަނިޔާވެފައިވާ ކަމަށާއި، މިހާރު އެމީހާގެ ހަށިގަނޑު އޮތީ ދަނގެތީގެ ސިއްހީ މަރުކަޒުގައި ކަމަށް އެރަށުން މައުލޫމާތުދިން މީހަކު ކިޔައިދީފައި ވެއެވެ.
މިހާދިސާ ހިނގުމާ ގުޅިގެން އިތުރަށް ބަލަންޖެހޭ ކަމަށް ފުލުހުން ބަލަމުންދާ ކަމަށް މައުލޫމާތު ލިބިފައިވެއެވެ.
ނަމަވެސް މިހާދިސާއާ ގުޅޭ އިތުރު މައުލޫމާތު ފުލުހުން އަދި ހާމަކޮށްފައެއް ނުވެއެވެ.
