ބޮޑު ކާސްޓެއް ހިމެނޭ ފިލްމް 'ހައުސްފުލް' ގެ ފަސްވަނަ ފިލްމް "ހައުސްފުލް 5″ ނުކުޅެން ނިންމައިފައިވާ ކަމަށް ރިޕޯޓްތައް ބުނެފި އެވެ.
އަންނަ އަހަރުގެ ނޮވެމްބަރުގެ ތެރެގައި ގެނެސްދޭ ގޮތަށް މި އަހަރުގެ ޖޫންގައި އިއުލާންކުރި އަކްޝޭ ކުމާރު ލީޑުން ފެނިގެންދާ މި ފިލްމް އަކީ ބެލުންތެރިންގެ މަގުބޫލު ކަން ހޯދައިފައިވާ ކާމިޔާބު ފްރެންޗައިޒްއެކެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ ފިލްމުން އަނިލް އަށް ހުށަހެޅި ރޯލަށް އޭނަ ފުރަތަމަ އެއްބަސްވި ކަމަށެވެ. ނަމަވެސް ފަހުން "ހައުސްފުލް 5″ ގައި ހިއްސާ ނުވާން އޭނަ ނިންމި ފީގެ މައްސަލައެއްގައި ކަމަށް ވެއެވެ.
އެގޮތުން ޕްރޮޑިއުސަރު ސާޖިދު ނަދުއަދުވާލާގެ ޓީމާ އެކީ ފީގެ މައްސަލައިގައި އެއްބަސްވުމަކަށް ނާދެވުމުން މި ހާރު އެފިލްމް އަނިލް ދޫކޮށްލައިފައިވާ ކަމަށް ވެއެވެ. ނަމަވެސް އެއްވެސް ރަސްމީ ފަރާތަކުން ވެސް އަދި އަނިލް ވެސް މިކަމާއި ވާހަކަ ދައްކައިފައި އެއް ނުވެއެވެ.
View this post on Instagram
ބޮލީވުޑްގެ އެންމެ މަގުބޫލު ކޮމެޑީ ފްރެންޗައިޒްތަކުގެ ތެރޭގައި ހިމެނޭ "ހައުސްފުލް 5″ ޑައިރެކްޓްކުރަނީ 2008 ގެ "ދޯސްތާނާ" އާއި 2019 ގެ "ޑްރައިވް" ގެނެސްދިން ތަރޫން މަންސުކާނީ އެވެ.
މި ފްރެންޗައިޒްގެ ކުރީގެ ހަތަރު ފިލްމާ އެއްގޮތަށް ކާސްޓްގައި އަކްޝޭ އާއި ރިތޭޝް ދޭޝްމުކް އަދި އަބިޝޭކް ހިމެނޭނެކަން މިހާރު ވަނީ ކަށަވަރު ވެފައިއެވެ.
