މި ދުވަސްވަރަކީ މޫސުންގޯސް ދުވަސްވަރަކަށްވާތީ ކަނޑުދަތުރުފަތުރު ކުރުމުގައި ސަމާލުކަންދޭންޖެހޭ ކަންކަމާ ގުޅޭގޮތުން، ލ. ގަމު އޮޑިދޯނި ފަހަރުގައި މަސައްކަތްކުރާ މީހުން ހޭލުންތެރިކުރުވުމަށް މައުލޫމާތު ދިނުމުގެ ހަރަކާތެއް ގަން ޕޮލިސް ސްޓޭޝަނުން ކުރިއަށް ގެންގޮސްފިއެވެ.
މިއަދު ކުރިއަށްގެންދިޔަ މި ހަރަކާތުގައި، އޮޑިދޯނި ފަހަރުގައި މަސައްކަތްކުރާ މީހުންނާ ބައްދަލުކޮށް، ކަމާގުޅޭ އިދާރާތަކުން އަންގާ އެންގުންތަކަށް އަމަލުކުރުމަށާއި ދަތުރަށް ފެށުމުގެ ކުރިން މޫސުމާ ބެހޭ އެންމެފަހުގެ މައުލޫމާތު ހޯދުމަށް އިރުޝާދު ދީފައިވެއެވެ. އަދި ދަތުރުކުރާއިރު ސަމާލުކަން ދޭންޖެހޭ ކަންކަމާ ގުޅޭގޮތުން މައުލޫމާތު ހިއްސާކޮށްފައިވެއެވެ.
އޭގެ އިތުރުން ދަތުރުމަތީގައި ހާދިސާއެއް ދިމާވެއްޖެނަމަ އަމަލުކުރަންވީ ގޮތާއި އޮޑިދޯނި ފަހަރުގައި ސަލާމަތީގޮތުން ހުންނަންޖެހޭ ތަކެއްޗާއި އެ ތަކެތީގެ ބޭނުން ބުނެދީފައިވެއެވެ. އަދި ހާދިސާއެއް ދިމާވެއްޖެ ހާލަތުގައި ގުޅާނެ ނަންބަރުތައް ހިއްސާކޮށްފައިވެއެވެ.
ކޮމެންޓު ފޮނުވާ