މާ މަޝްހޫރު ނޫން މޫނުތަކެއް ފެނިގެންދާ ފިލްމް "އިޝްގް ވިޝްގް ރީބައުންޑް" ގެ ޓީޒާ އެއް ދައްކައިލައިފިއެވެ.
މި ފިލްމް އަކީ 2003 ވަނަ އަހަަރު ކެން ގޯޝް ޑައިރެކްޓް ކޯށް ގެނެސްދިން "އިޝްގް ވިޝްގް" ގެ ބައެއް ކަމަށް ވެއެވެ. 2003 ވަނަ އަހަރު ގެނެސްދިން ފިލްމް އަކީ ބެލުންތެރިންގެ ބޮޑު މަގުބޫލު ކަމެއް ހޯދި ފިލްމްއެކެވެ.
އެ ފިލްމްގެ ލީޑުން ފެނިގެން ގޮސްފައިވަނީ ޝާހިދު ކާޕޫރު އާއި އަމްރިތާ ރާއޯ އަދި ވިޝާލް މަލޯތްރާ ގެ އިތުރުން ޝެނާޒް ތްރެސްރީވާލާއެވެ. މީގެ ކާސްޓުގައި ޝަތީޝް ޝާހް އަދި ޔާޝް ޓޮންކް ވެސް ހިމެނެއެވެ.
"އިޝްގް ވިޝްގް ރީބައުންޑް" މައިގަނޑުގެ ކާސްޓްގައި ކުރީގެ އެއްވެސް ތަރިއަކު ނުހިމެނޭ އިރު، ފިލްމު ޑައިރެކްޓްކުރީީ ވެސް މުޅިން އާ މީހެކެވެ. އޭގެ ތެރޭގައި ހިމެނެނީ ރިތިކް ރޯޝަންގެ ކަޒިންއެއް ކަމަށްވާ ޕަޝްމީނާ ރޯޝަނާއި ޖިބްރާން ޚާންގެ އިތުރުން ނާއިލާ ގަރޭވާލް ގެ އިތުރުން ރޯހިތު ޝަރަފް އެވެ.
ޕަޝްމީނާ އަކީ ރިތިކްގެ ބައްޕަ ޑައިރެކްޓަރު/ޕްރޮޑިއުސަރު ރާކޭޝް ރޯޝަންގެ ކޮއްކޮ އަދި މިއުޒިކް ޑައިރެކްޓަރު ރާޖޭޝް ރޯޝަންގެ ދަރިއެކެވެ. ޖިބްރާނާކީ އޭނަ ކުޑައިރު، 2001 ގެ ފިލްމު "ކަބީ ހުޝީ ކަބީ ޢަމް" ގައި ޝާހްރުކް ޚާނާއި ކާޖޮލްގެ ދަރިފުޅުގެ ރޯލު ކުޅުނު އެކްޓަރެވެ.
ޕްރޮޑިއުސަރު ރަމޭޝް ތައުރާނީގެ "އިޝްގް ވިޝްގް ރީބައުންޑް" ގެ ޑައިރެކްޓަރަކީ ނިޕުން އަވީނާޝް އެވެ. މީގެ މައިގަނޑު ކާސްޓްގައި ހިމެނެނީ މި ފަހުން އެކިއެކި ފިލްމުތަކުން ސަޕޯޓިން ރޯލުތަކުން ފެންނަ ރޯހިތު ސަރަފާ އެކީ އަލަށް ތައާރަފުކުރާ ފަންނާނުންތަކެކެވެ. މި ފިލްމް އަކީ ޒުވާނުންނަށް ހާއްސަކޮށްގެން ހަދާފައިވާ ޒަމާނީ ލޯބީގެ ފިލްމެކެވެ.
