އުރީދޫއިން ރާއްޖޭގައި ގާއިމްކުރާ ފުރަތަމަ ޑިޖިޓަލް އައިލެންޑެއްގެ ގޮތުގައި ލަންދޫ އިއުލާންކޮށްފިއެވެ.
އުރީދޫން ބުނީ ލަންދޫގައި އުރީދޫ ޑިޖިޓަލް އައިލެންޑް އިނިޝިއޭޓިވް ލޯންޗް ކުރުމުން އޭއައިގެ އެހީގައި ޑިޖިޓަލް ރާއްޖެއެއް ބިނާކުރުމަށް އެކުންފުނިން ކުރަމުންދާ މަސައްކަތް އެއް ފިޔަވަޅު އިތުރަށް ކުރިއަށް ގެންގޮސްފައިވާ ކަމަށެވެ.
އުރީދޫއިން ބުނެފައިވަނީ ލަންދޫ ކައުންސިލާ ގުޅިގެން އެރަށުގެ އިޖްތިމާއީ އިގްތިސާދީ ލޭންޑްސްކޭޕަށް އިންގިލާބެއް ގެނައުމަށް އިސްނަގައިގެން ސްޓްރެޓެޖިކް ޕާޓްނަޝިޕްތަކާއި ޑިޖިޓަލް ސޮލިއުޝަންތަކުގެ ތެރެއިން އުރީދޫ ޑިޖިޓަލް އައިލެންޑް ޕްރޮގްރާމްގެ މަގުސަދަކީ މުހިންމު ދާއިރާތައް ތަރައްގީކޮށް ތަރައްގީ ކުރުމަށް އިތުރު މަގުތަކެއް ހޯދައިދީ، ޚާއްޞަކޮށް ސިއްޙަތާއި ތަޢުލީމާއި ވިޔަފާރި ކުރިއެރުވުން ކަމުގެވެ.
އުރީދޫގެ ޗީފް އެގްޒެކެޓިވް އޮފިސަރު ޚާލިދު އަލް ހަމާދީ ވިދާޅުވީ އުރީދޫ ޑިޖިޓަލް އައިލެންޑް ޕްރޮގްރާމްގެ އިފްތިތާހީ ރަށެއްގެ ގޮތުގައި ލަންދޫ އިއުލާން ކުރުމަކީ ލިބުނު ޝަރަފެއް ކަމަށެވެ.
