ސަލްމާން ހާން މިދިއަ ހަފްތާގައި އިއުލާން ކުރި ފިލްމް "ސިކަންދަރުގެ" ގެ. ބަތަލާ އަކީ ކިއާރާ އަދުވާނީ ކަމަށް ރިޕޯޓްތަށް ބުނެފިއެވެ.
ފިލްމީ ޚަބަރުތައް ގެނެސްދޭ މީޑިއާތަކުން މިއަދު ބުނީ ފިލްމަށް ކިއާރާ ގެންނަން ވާހަކަ ދެވެމުން އަންނަ އިރު، މިހާރު ޑިމާންޑް ބޮޑު ބަތަލާ އަށް ފިލްމަށް ވަގުތު ދެވޭނެ ގޮތަކާ މެދު މަޝްވަރާ ކުރެވެމުން އަންނަ ކަމަށެވެ.
ކިއާރާ އަކީ މިވަގުތު ބޮލީވުޑްގެ އެންމެ ޑިމާންޑު ބޮޑު އެއް ބަތަލާއެވެ. މިހާރު ވެސް އޭނާ އަތުގައި ބޮޑެތި ޕްރޮޖެކްޓް ތަކެއް އެބަހުއްޓެވެ. އެގޮތުން "ވޯ 2″ އާއި "ޑޮން 3″ ފަހަގަ ކޮށްލެވެއެވެ.
"ވޯ 2″ ގައި ކިއާރާ ފެނިގެންދާނީ މަޝްހޫރު އެކްޓަރު ރިތިކް ރޯޝަން އާއި ސައުތުގެ ކާމިޔާބު އެކްޓަރު އެންޓީ އާރް ޖޫނިއާ އާއި އެކުގައިއެވެ. މި ފިލްމްގެ ޝޫޓިން އާއި ކިއާރާ ވަރަށް އަވަހަށް ގުޅޭނެ ކަމަށް ރިޕޯޓްތަށް އަންނަނީ ބުނަމުންނެވެ.
"ސިކަންދަރު" ގެ ބަތަލާއަކަށް ކިއާރާ ގެންނަން ވާހަކަ ދެކެވޭ އިރު، ފާހަގަކޮށްލެވޭ ކަމަކީ ސަލްމާން 58، ގެ "ބީން ހިއުމަން" ބްރޭންޑްގެ ކްލޯތިން ކަލެކްޝަން އިޝްތިހާރުކޮށް ދިނުމުގައި 32 އަހަރުގެ ބަތަލާ ކުރިން ސަލްމާނާ އެކީ ހިއްސާވެފައިވާކަމެވެ. އަދި ކިއާރާގެ މަންމަ އަކީ ސަލްމާންގެ ވަރަށް ގާތް ޒަމާންވީ އެކުވެރިއެކެވެ.
ސަލްމާންގެ "ސިކަންދަރު" އަކީ ސާޖިދު ނަދިއަދުވާލާ ޕްރޮޑިއުސްކޮށް، އޭއާރް މުރްގަދޯސް ޑައިރެކްޓްކުރާ ފިލްމެކެވެ. މި ފިލްމު ސިނަމާތަކަށް ގެންނާނީ އަންނަ އަހަރުގެ ފިތުރު އީދުގަ އެވެ.
ކޮމެންޓު ފޮނުވާ