ރައްޔިތުންގެ މަޖިލީހަށް އިންތިޚާބުވި މެމްބަރުންނާއި ރައީސް މުއިއްޒު މުލިއާގޭގައި ބައްދަލުކުރައްވައިފިއެވެ. މި ބައްދަލު ކުރެއްވުން އޮތީ އިއްޔެއެވެ.
މި ބައްދަލުކުރެއްވުމަށް ވަޑައިގެންނެވި ބައެއް މެމްބަރުން ވިދާޅުވި ގޮތުގައި ބައްދަލު ކުރެއްވުމަށް ކެބިނެޓްގެ ހުރިހާ ވަޒީރުންވެސް ވަނީ ވަޑައިގެންފައެވެ. އަދި މި ބައްދަލުވުމުގައު ސަރުކާރަށް ލިބުނު މެޖޯރިޓީ ހިފެހެއްޓުމުގެ މުހިންމުކަމުގެ މައްޗަށް އަލިއަޅުއްވާލައްވާ ރައީސް މުއިއްޒު ވަނީ ވާހަކަ ދެއްކަވާފައެވެ.
އެގޮތުން އެވާހަކަތަކުގައި، މެމްބަރުންނަށް އެމަނިކުފާނާ ސީދާ މުއާމަލާތު ކުރެވޭނެކަމުގެ ޔަގީންކަން ދެއްވިކަމަށް ބައްދަލުވުމުގައި ބައިވެރިވެވަޑައިގެންނެވި ބައެއް މެމްބަރުން ވިދާޅުވެފައި ވެއެވެ. އެގޮތުން ކުރީގެ ތަޖުރިބާތަކުގެ މައްޗަށް، ރައީސްގެ ނަމުގައި އެއްވެސް މެމްބަރަކާއި އެހެން މީހަކު މުއާމަލާތު ނުކުރާނެކަމަށް ރައީސް މުއިއްޒު ވިދާޅުވިކަމަށް "ޚަބަރު އޮންލައިން"އާއި މައުލޫމާތު ހިއްސާކުރި ފަރާތުން ވިދާޅުވެފައި ވެއެވެ. އަދި ސަރުކާރަށް ރައްޔިތުންގެ މަޖިލިސް ވަރަށް މުހިންމުކަމަށް ރައީސް މުއިއްޒު ފާހަގަ ކުރައްވާފައިވާކަމަށްވެސް ވިދާޅުވިއެވެ.
މި ބައްދަލު ވުމުގައި ބައެއް މެމްބަރުންވަނީ މުހިންމު ބައެއްކަންކަން ފާހަގަކޮށް ވާހަކަ ދައްކަވާފައެވެ.
