މި ސަރުކާރުގެ އަމާޒަކީ އެންމެ ދުވަހެއްވެސް އަދި އެންމެ ގަޑިއިރެއްވެސް ބޭކާރު ނުކޮށް ނަތީޖާ ނެރުންކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ މާލޭގައި ދިރިއުޅޭ އައްޑޫ ރައްޔިތުންނާއި ބައްދަލުކުރުމަށް މިއަދު މާލޭ ސިޓީގައި ބޭއްވި އިވެންޓުގައި ވާހަކަ ދައްކަވަމުންނެވެ. މި އިވެންޓުގައި ވާހަކަ ދައްކަވަމުން ރައީސް މުއިއްޒު ވިދާޅުވީ އައްޑޫ ސިޓީގެ 8 ގޮނޑި ސަރުކާރަށް ހޯދާ ދެވިއްޖެނަމަ ބޭނުންވާ އަމާޒާ ހަމައަށް ވާސިލް ވެވޭނެ ކަމުގައެވެ.
ނަތީޖާ އެކަނި ނެރެދިނުމަށް ފޯކަސް ކުރާ ސަރުކާރެއް އަޅުގަނޑު ބޭނުން ވަނީ ހިންގަން. އެންމެ ދުވަހެއް ވެސް އެންމެ ގަޑިއިރެއް ވެސް މި ސަރުކާރަކުން ބޭކާރެއް ނުކުރަން.
މި އަހަރު ނިމުމުގެ ކުރިން ބްރިޖުގެ އަމަލީ މަސައްކަތް ފަށާނަން. ނަތީޖާ. ނަތީޖާ. ނަތީޖާ ނޫން އެއްޗެއް އަޅުގަނޑަށް މުހިންމެއް ނޫން. އެހެންވީމަ އަޅުގަނޑުމެން އަށް ކެންޑިޑޭޓުން ހޮވަންވީ. ވަގުތު ބޭކާރުކޮށްލާނެ ކަމެއް ނެތް. ދެވަނަ ވިސްނުމެއް ސިކުނޑިއަށް ގެންނާނެ ކަމެއް ނެތް.
ރައީސް ވިދާޅުވި އެވެ.
