މިހާރު މުޅި ރާއްޖެއަށް ކުރަމުންދާ ވިއްސާރާގައި މާލޭގައި ބަހައްޓާފައި ހުރި ބައެއް ބިލްބޯޑުތައް ވެއްޓެމުންދާތީ ސަމާލުވާން ފުލުހުން އެދިއްޖެއެވެ.
ފުލުހުން ކުރި އެކްސް ޕޯސްޓެއްގައި ވިދާޅުވީ މޫސުން ގޯސްވެ ވައި ގަދަވުމުގެ ސަބަބުން ބައެއް ކެމްޕެއިން ބިލްބޯޑް ވެއްޓުމުގެ ހާދިސާތައް ހިނގަމުންދާ ކަމުގައެވެ. އެހެންކަމުން ވައިގަދަވާ ވަގުތު ތަކުގައި މަގުމަތި ބޭނުންކުރާއިރު މިކަމަށް ސަމާލުވުމަށް ފުލުހުން އެދިފައި ވެއެވެ.
ފުލުހުން އިލްތިމާސް ކޮށްފައިވަނީ، މަގުތަކުގެ އެއްފަރާތުގައި ބަހައްޓާފައިހުރި ބިލްބޯޑް ތަކަކީ ރައްކާތެރި ގޮތުގައި ރަނގަޅަށް ހަރުކޮށްފައި ހުރި އެއްޗެހިކަން ކަށަވަރު ކުރުމަށް އެތަކެތި ބަހައްޓާފައިވާ ފަރާތްތަކަށް އަންގާފައި ވާނެކަމުގައެވެ.
ކުރިޔަށް އޮތް ރައްޔިތުންގެ މަޖިލިހުގެ އިންތިޚާބަށް ވާދަކުރަމުންދާ ގިނަ އަދަދެއްގެ ކެނޑިޑޭޓުން ވަނީ މާލޭގެ އެކި ހިސާބުތަކުގައި ބޮޑެތި ބިލްބޯޑުތައް ބަހައްޓާފައެވެ. އެގޮތުން ބިޔަ ބޮޑު ބިލް ބޯޑުތައް އެންމެ ގިނަ އަދަދަކަށް ބަހައްޓާފައިވާ އެއް ސަރަހައްދެއްގެ ގޮތުގައި ފާހަގަވެފައިވަނީ ސިނަމާ ބުރިޖްގެ ފެށޭ ސަރަހައްދާއި ނިމޭ ސަރަހައްދުކަން ފާހަގަ ކޮށްލެވެއެވެ.
ކޮމެންޓު ފޮނުވާ