ރައީސް މުއިއްޒުގެ ފަރާތުން ރައީސް ޔާމިންގެ ޝަރީއަތް ލަސްވަމުންދާ މައްސަލަ ޖޭއެސްސީއަށް ހުށަ ނޭޅުއްވިގެން އުޅުއްވަނީ ކީއްވެތޯ ރައީސް ޔާމިން ސުވާލު އުފައްދަވައިފިއެވެ.
ރައީސް ޔާމިން އަލަށް އުފައްދަވާފައިވާ ޕީއެންއެފްގެ ޖަލްސާގައި ވާހަކަ ދައްކަވަމުން އެމަނިކުފާނު ވިދާޅުވީ މަޖިލިސް ރައީސް އަސްލަމް އެމައްސަލަ ޖޭއެސްސީއަށް ހުށަހެޅުއްވުމަކީ ޝުކުރުވެރިވާ ކަމެއް ކަމަށާއި، އެހެންނަމަވެސް އެމަނިކުފާނަށް ކުރިމަތިވެގެން އުޅޭ މައްސަލައަކީ އެބޭފުޅުން (އެމްޑީޕީން) އުފެއްދި މައްސަލައެއް ކަމުގައެވެ.
ދިވެހިރާއްޖޭގެ ސަރުކާރުގެ ފަރާތުން، މިކަން ލަސްވެގެން ދާއިރު، އަޅުގަޑަށް އެހާ ހެޔޮއެދިވަޑައިގަންނަވާކަމަށް ވަންޏާ، ރައްޔިތުންނަށް ވިދާޅުވެ ދެއްވަބައްލަވާށޭ، ރައީސް މުއިއްޒުގެ ފަރާތުން މިމައްސަލަ ކީއްވެގެންތޯ ޖޭއެސްސީއަށާއި ޖުޑީޝަލް ކޮމިޓީއަށް ހުށަނޭޅިގެން ތި އުޅުއްވަނީ.
ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވީ އެންމެ ބޮޑަށް އުދަގީވަނީ ރައްޔިތުންނާ ބައްދަލުކޮށް ވާހަކަ ދައްކަން ފުރުސަތު ނުލިބޭތީ ކަމަށާއި، އެހެންނަމަވެސް އެހެން ހުރިހާ ލީޑަރުންނަށް އެ ފުުރުސަތު ލިބޭ ކަމަށެވެ. އަދި ރައީސް ޔާމިން ވިދާޅުވީ އެމަނިކުފާނުގެ މައްސަލަ ލަސްވެގެން އުޅޭ މައްސަލަ އިނގޭ ކަމުގައެވެ.
