ބޮލީވުޑްގެ މަޝްހޫރު އެކްޓަރު ޝާހިދު ކަޕޫރު އާއި ކްރިތީ ސެނޮން އެކުގައި ކުޅުން އަލަތު ފިލްމް "ތޭރީ ބާތޯ މޭ އޭސާ އުލް ޖިއާ" އެމެޒޯން ޕްރައިމް ވީޑިއޯ އަށް ދޫކޮށްލައިިފި އެވެ.
ފެބްރިއަރީ މަހުގެ ތެރޭގައި ރިލީޒްކުރި މި ފިލްމަކީ މި ދެ ތަރިން އެކީގައި ކުޅުނު ލޯބީގެ ފިލްމެކެވެ. ފިލްމް އަށް ބެލުންތެރިންގެ ބޮޑު ތަރުހީބެއް ވެސް ލިބިގެން ދިއައެއެވެ.
ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އިން ގެނެސްދިން "ތޭރީ ބާތޯ މޭ އޭސާ އުލް ޖިއާ" ގައި ކްރިތީ ކުޅެފައި ވަނީ ސިފްރާ ކިޔާ ރޮބޮޓެއްގެ ރޯލެވެ. އަދި ފިލްމުގައި ޝާހީދު ކުޅެފައި ވަނީ ރޮބޮޓެއް ދެކެ ލޯބިވުމުން ދިމާވާ ކަންތައްތަކާ ކުރިމަތިލާ މީހެއްގެ ރޯލެވެ.
އަމިތު ޖޯޝީ އާއި އަރާދަނާ ސާހް ޑައިރެކްޓްކޮށްފައިވާ ފިލްމުގެ ކާސްޓްގައި ދަރުމެންދުރާ އާއި އޭނަގެ ދަރިފުޅު ސަނީ ޑިއޯލްއާ ލޯބީގެ ގުޅުމެއް ބޭއްވި ބަތަލާ ޑިމްޕަލް ކަޕާޑިއާ ވެސް ހިމެނެ އެވެ.
