އިންޑިއާގެ ކުރީގެ މަޝްހޫރު އެކްޓަރު ސުނިލް ޝެޓީ ކާފައަކަށް ވާން އުޅޭ ކަމުގެ އިޝާރާތެއް އޭނާ ދީފިއެވެ.
އޭނަ އެފަދަ އިޝާރާތެއް ދިނީ މިހާރު ޖަޖެއްގެ ގޮތުގައި އޭނާ މަސައްކަތް ކުރަމުން އަންނަ ކަލާސް ޓީވީގެ ރިއަލިޓީ ޑާންސް ޝޯ "ޑާންސް ދީވާނޭ" ސީޒަން ތިނެއްގެ ހޯސްޓް މަޝްހޫރު ކޮމީޑިއަން ބާރްތީ ސިންގް ސުނިލްއާ ދިމާއަށް ބުނި އެއްޗަކާ ގުޅިގެންނެވެ.
ބާރްތީގެ ވާހަކަ ތަކަށް ރައްދު ދެމުން ބުނީ ޝޯގެ ދެން އަންނަ ސީޒަނަކަށް ކާފަ ދަރިޔަކު ގޮވައިގެން އަންނަ ތަން ފެނިދާނެ ކަމަށެވެ. އޭނާ އެ އިޝާރާތް ކުރީ މި ފަހުން އޭނާގެ އަންހެން ދަރިފުޅު ކައިވެނި ކުރުމާއި ގުޅިގެންނެވެ.
View this post on Instagram
ސުނިލް ގެ އަންހެން ދަރިފުޅު އަތިޔާ ޝެޓީ އާއި ކްރިކެޓް ކުޅުންތެރިއާ ކޭ އެލް ރާހުލް ގެ ކައިވެނި ކުރެވިގެން ދިއައީ މިދިއަ އަހަރުގެ ކުރީކޮޅުގައިއެވެ.
