ފުލުހުންނަށް ހުށަހެޅޭ މައްސަލަތަކުގެ އަޕްޑޭޓް ކޮންމެ 14 ދުވަހަކު އެއްފަހަރު މަސައްލަ ހުށަހެޅި ފަރާތަށް ފޯރުކޮށްދެވޭނެ ނިޒާމެއް އެކުލަވާލަމުންދާ ކަމުގައި ކޮމިޝަނާ އޮފް ޕޮލިސް އަލީ ޝުޖާއު ވިދާޅުވެއްޖެއެވެ.
ދައުލަތުގެ މީޑިއާ، ޕީއެސްއެމްއަށް ދެއްވި އިންޓަވިއުއެއްގައި ޝުޖާއު ވިދާޅުވީ ފުލުހުންނަށް ހުށަހެޅޭ މައްސަލަތަކުގެ މައުލޫމާތު އާންމު ރައްޔިތުންނަށް ނުލިބޭ ކަމުގެ ޝަކުވާ އަބަދުވެސް އާންމު ރައްޔިތުންގެ ފަރާތުން ލިބެމުންދާކަމުގައެވެ.
އޭނާ ވިދާޅުވީ، ޕޮލިހަށް ހުށަހެޅޭ މައްސަލަތަކާއި ގުޅޭގޮތުން އާންމުގެ ފަރާތުން ލިބިފައިވާ ރެސްޕޮންތަކަށް ބަލާއިރު، ޕޮލިހަށް ހުށަހެޅޭ މައްސަލަތައް އަބަދުވެސް ކުރިޔަށް ދާނީ ފުލުހުންގެ އިސް މީހަކަށް ނުވަތަ އެ ތަނުގައި އުޅޭ ރަހުމަތްތެރިއަކަށް ގުޅައިގެން ކަމަށް ގިނަބަޔަކަށް ހީވެފައި އޮންނަ ކަމަށެވެ.
އޭނާ ވިދާޅުވީ، އެހެން، ޕޮލިކަށް ހުށަހެޅޭ މައްސަލަތަކުގެ މައުލޫމާތު އަވަހަށް ފޯރުކޮށްދެވޭނެ އިންތިޒާމް މިހާރު ހަމަޖައްސަވަމުން ގެންދަވާ ކަމުގައެވެ.
’ފުލުހުންގެ އިދާރާއަށް ހުށަހެޅޭ މައްސަލަަތަކުގެ ވާނުވާއެއް އެ ހުށަހެޅި ފަރާތަށް އެޓް ލީސްޓު 14 ދުވަހުން އެއް ދުވަހު މަދުވެގެން އެ ފަރާތަށް ގުޅާލައިގެން އެ ކުރުވެނޭ މަސައްކަތްތައް ހިއްސާކުރެވޭނެ ނިޒާމެއް ގާއިމްކުރުން.
ޝުޖާއު ވިދާޅުވިއެވެ.
އޭނާ ވިދާޅުވީ މި ބަދަލު ގެނެވުމުން ފުލުހުންނަށް އާންމު ރައްޔިތުންގެ ފަރާތުން އޮންނަ އިތުބާރު ވަރަށް ބޮޑުތަން އިތުރުވެގެން ދާނެ ކަމުގައެވެ.
