ފާއިތުވި ފެބްރުއަރީމަހު، މަސްވެރިންނަށް ފައިސާ ނުލިބިގެން ކޫއްޑޫގައި ކުރިޔަށްދިޔަ މުޒާހިރާތަކުގައި އެންމެ އަޑުހަރުކޮށް އުޅުނު، "މަސްވެރި އަލިބެ" އަށް އާރުޑީސީން ވަޒީފާ ހަމަޖައްސަދީފިއެވެ. އަލިބެއަށް ހަމަޖައްސާދީފައިވަނީ އާރުޑީސީގެ އިންވެންޓްރީ މެނޭޖްމަންޓް އޮފިސަރެއްގެ މަގާމަށެވެ.
މަސްވެރިންނަށް ފައިސާ ނުލިބިގެން އެންމެ އަޑުހަރުކޮށް ކުޒާހިރާތަކުގެ ކުރީ ސަފުގައި ހުރެފައިވަނީ އަލިބެ އެވެ. އޭނާ ވަނީ މުޒާހިރާތަކުގައި ރައީސް މުއިއްޒުއަށް ވަރަށްބޮޑަށް ފާޑު ކިޔާފައެވެ.
އެހެންނަމަވެސް އަލިބެ ބުނެފައިވަނީ އޭނާ އަމިއްލަ ދަރިއަކުވެސް ގޮސްވަންޏާ އެވާހަކަ ދައްކަންޖެހޭނެ ކަމަށާއި އަދިވެސް ހައްގެއް ގެއްލޭކަމަށް ވާނަމަ ހައްގު ހޯދުމަށް މަސައްކަތް ކުރާނެކަމުގައެވެ.
އަދިބެ އިތުރަށް ބުނެފައިވަނީ އޭނާ މައިބަދައިގަ މައްސަލަ އުޅޭތީ މިހާރު މަސްވެރިކަން ކުރެވޭވަރު ނުވާކަމަށާއި، އެހެންވެ އެޗްޑީސީގެ ވަޒީފާ ހަމަޖެހުމުން އެފުރުސަތުގެ ބޭނުން ހިފީ ކަމުގައެވެ.
އަލިބެ ވަނި ފާއިތުވި ރިޔާސީ އިންތިޚާބުގެ ކުރިން ރައީސް ސާލިހުގެ ސަރުކާރަށް ފާޑު ކިޔާފައެވެ. އެހެންނަމަވެސް މަސްވެރިންގެ މުޒާހިރާތަކަށްފަހު އަލިބެ ވަނީ ވަރަށް ބޮޑަށް މިސަރުކާރަށް ފާޑު ކިޔާފައެވެ. އަދި އަލިބެ ވަނީ މަޖިލިސް މެޖޯރިޓީ މިސަރުކާރަށް ނުދިމަށްވެސް ގޮވާލާފައެވެ.
ކޮމެންޓު ފޮނުވާ