ރޯދަމަހުގެ ފަހު 15ގައި އުލްރާގެ އަޅުކަން އަދާކުރުމަށް ނިމްސާ އަލް ހައްޖު ވަލް އުމްރާ ގްރޫޕުގެ ހަވާލުގައި މައްކާއަށްދިޔަ ދިވެއްސަކު ގެއްލިގެން ހޯދަން ފަށައިފިއެވެ.
ނިމްސާ އަލް ހައްޖު ވަލް އުމްރާ ގްރޫޕުން ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފައިވަނީ، ގެއްލިގެން ހޯދަމުން ދަނީ މުހައްމަދު ތައްކާނު، ހަވާ، ސ.މީދޫ ކަމުގައެވެ.
އެޖަމާއަތުން ބުނެފައިވަނީ ތައްކާނު ގެއްލިގެން ހޯދަމުން ދަނީ ރޭ ފަތިހު 03:00 ޖެހިއިރުން ފެށިގެން ކަމަށާއި، އުމްރާވެރިންނާ އެކު އުމްރާގެ އަޅުކަން އަދާކުރަން ހަރަމްފުޅަށް ދިޔުމަށްފަހު އޭނާގެ ހަބަރެއް ވެފައިނުވާ ކަމަށެވެ.
ނިމްސާ އަލް ހައްޖު ވަލް އުމްރާ ގްރޫޕުން އެދިފައިވަނީ އުމްރާވެރިޔާ ފެނިއްޖެނަމަ ލަސްނުކޮށް 966546279315+ / 966500953603+ އަށް ގުޅައި އެގުރޫޕަށް އެންގުމަށެވެ. އަދި އޭނާ ހޯދުމަށް، މައްކާއަށް ގޮސްފައިވާ ދިވެހި ހުރިހާ އުމްރާ ޖަމާއަތްތަކުގެ އެހީތެރިކަމަވެސް ނިމްސާ އަލް ހައްޖު ވަލް އުމްރާ ގްރޫޕުން ވަނީ އެދިފައެވެ.
ކޮމެންޓު ފޮނުވާ