ބޮލީވުޑްގެ ސްޕަސްޓާރު އާމިރު ހާން އާއި ބަތަލާ ޖެނީލިއާ ޑިސޫޒާ މިހާރު ކުޅެމުން އަންނަ ފިލްމް "ސިތާރޭ ޒަމީން ޕަރު," ގެ ސެޓުން ނަގައިފައިވާ މި ދެތަރިންގެ ފޮޓޯ އެއް އާންމު ވެއްޖެއެވެ.
މި ފިލްމުއަކީ އަންނަ އަހަރުގެ ޑިސެމްބަރު މަހުގެ ތެރޭގައި ސިނަމާތަކަށް ގެންނަ ގޮތަށް އަމާޒު ހިފައިފައި ވާ ފިލްމް އެކެވެ. އަދި ފިލްމް ގެ ތައްޔާރީތައްވަމުން އަންނަ ކަމަށް މިހާރު މައުލޫމާތު ލިބެއެވެ.
އެ ފޮޓޯގައި ފެންނަނީ ދެ ތަރިން ވަރަށް އުފާވެރި ވާހަކައެއްގެ ތެރޭގައި އުޅޭ ތަނެވެ. "ސިތާރޭ ޒަމީން ޕަރު" އަކީ 2022 ގެ "ލާލް ސިންގް ޗައްޑާ" އަށް ފަހު އާމިރު ކުޅޭ ފުރަތަމަ ފިލްމެވެ.
އާމިރު ބުނީ އޭނަ ޕްރޮޑިއުސް ވެސް ކުރާ "ސިތާރޭ ޒަމީން ޕަރު" އަކީ ވަރަށް ހިތްގައިމު ވާހަކައެއް ކަމަށާއި ބެލުންތެރިންނަށް ފިލްމު ވަރަށް ކަމުދާނެ ކަމަށް އުންމީދުކުރާ ކަމަށެވެ.
މީގެ 16 އަހަރު ކުރިން ގެނެސްދިން ފިލްމު "ޖާނޭ ތޫ ޔާ ޖާނޭ ނާ"ގައި ވެސް އާމިރުއާ އެކު ޖެނީލިއާ މަސައްކަތް ކުރި އެވެ. އާމިރު ޕްރޮޑިއުސްކުރި އެ ފިލްމުގައި ޖެނީލިއާގެ ލޯބިވެރިޔާގެ ރޯލު ކުޅުނީ އާމިރަށް ބޮޑުބޭބެ ކިޔާ އިމްރާން ހާނެވެ.
