7 މާރޗް 2024 ގެ ނިޔަލަށް ހުރި ބިލުތަކުގެ ފައިސާ މަސްވެރިންނަށް ދޫކުރުމުގެ މަސައްކަތް ކުރިޔަށް ދާކަމަށ މިފްކޯއިން ބުނެފިއެވެ.
މިފްކޯއިން ކުރި އެކްސް ޕޯސްޓެއްގައި ބުނެފައިވަނީ މަސްއޮޑިފަހަރަށް ދޫކުރާ ފައިސާގެ ތެރެއިން 7 މާރޗް 2024 ގެ ނިޔަލަށް ހުރި ބިލުތަކުގެ ފައިސާ ދޫކުރުމުގެ މަސައްކަތް މިހާރު ކުރިއަށް ދާކަމަށެވެ.
އަދި މި ފައިސާ ދައްކާ ނިންމުމުން މިހާތަނަށް ނުދެއްކި ހުރި ހުރިހާ ފައިސާއެއް ދައްކާ ޚަލާސް ކުރެވޭނެކަމަށް އެކުންފުނިން ބުނެފައި ވެއެވެ.
މަސްއޮޑިފަހަރަށް ދޫކުރާ ފައިސާގެ ތެރެއިން 7 މާރޗް 2024 ގެ ނިޔަލަށް ހުރި ބިލުތަކުގެ ފައިސާ ދޫކުރުމުގެ މަސައްކަތް މިހާރު ކުރިއަށް ދަނީ.
މި ފައިސާ ދައްކާ ނިންމުމުން މިހާތަނަށް ނުދެއްކި ހުރި ހުރިހާ ފައިސާއެއް ދައްކާ ޚަލާސް ކުރެވޭނެކަމަށް މިފްކޯގެ ސީއީއޯ ޝަމާހް ވިދާޅުވި.— MIFCO (@mifcomv) March 10, 2024
މިފްކޯއިން މަސްވެރިންނަށް ނުދެއްކި ހުރި ހުރިހާ ފައިސާއެއް ރޯދައިގެ ދައްކާ ޚަލާސް ކުރައްވާނޭކަމަށް ރައީސް މުއިއްޒުވަނީ ވިދާޅުވެފައެވެ.
މަސްވެރިންނަށް މަސްކިރާތާ 48 ގަޑިއިރުތެރޭ ފައިސާ ދިނުމަކީ ރައީސް މުއިއްޒުގެ ރިޔާސީ ވައުދެކެވެ. ފިޝަރީޒް މިނިސްޓަރ ވިދާޅުވެފައިވަނީ އެވައުދާ އެއްގޮތަށް މިވަގުތު ފައިސާ ދެވޭގޮތް ނުވިނަމަވެސް އަމާޒަކީ ކުރިޔަށް އޮތް ތަނުގައި މަސްކިރާތާ 48 ގަޑިއިރުތެރޭ މަސްވެރިންނަށް ފައިސާ ދޫކުރުން ކަމުގައެވެ.
