ރާއްޖޭގެ ހުރިހާ ކައުންސިލަކާ ބައްދަލުކުރެއްވުމަށް ރައީސް މުއިއްޒު ކުރައްވަމުން ގެންދަވާ ދަތުރުފުޅުތަކުގައި، މިހާތަނަށް ބައްދަލުކުރެއްވި ކައުންސިލްތަކުގެ އަދަދު 100 އަށް އަރައިފިއެވެ.
އެގޮތުން މި ސިލްސިލާގައި ރައީސް ބައްދަލުކުރެއްވި 100 ވަނަ ކައުންސިލަކަށް ވެގެން ދިޔައީ އުނގޫފާރު ކައުންސިލްއެވެ. އެކައުންސިލާ ރައީސް މުއިއްޒު ބައްދަލުކުރެއްވީ މިހާރު ރ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދުއެވެ.
ފާއިތުވި ފެބްރުއަރީމަހު ތ. ކިނބިދޫއަށް ގައި ވާހަކަ ދައްކަވަމުން ރައީސް މުއިއްޒު ވިދާޅުވި އެއް މަސް ދުވަހުން ރާއްޖޭގެ ހުރިހާ ކައުންސިލަކާ ބައްދަލުކުރައްވާނެ ކަމަށް ވިދާޅުވެފަ އެވެ.
ރައީސް މުއިއްޒުއަށް މި ދަތުރުފުޅުތަކުގައި ހުރިހާ ރަަށަކަށް ވަޑައޮ ނުގެންނެވުނު ނަމަވެސް، ވަޑައި ނުގެންނެވޭ ރަށްރަށުގެ ކައިންސިލްތައް ވަަޑައިގެންނެވޭ ރަށްރަށް ގެންދަވަައިގެން ދަނީ ބައްދަލު ކުރައްވަމުންނެވެ.
ކައުންސިލްތަކާ ވަކިވަކީން ބައްދަލު ކުރުމަށްފަހު، އެރަށަކަށް ބޭނުންވާ މުހިންމު މަޝްރޫއުތަކަކީ ކޮބައިކަން ރައީސް ގެންދަވަނީ އޮޅުން ފިލުވަމުންނެވެ. އޭގެ ސަބަބެއް ކަމުގައި ވިދާޅުވެފައިވަނީ، ހުރިހާ މަޝްރޫއުތަކެއް އެއްފަހަރާ ނުފެއްޓުނު ނަމަވެސް، އިސްކަންދޭ ތަރުތީބަކުން މަޝްރޫއުތައް ފަށައިގެން ކުރިޔަށް ގެންދިއުންކަމަށް ރައީސް ވަނީ ވިދާޅުވެފައެވެ.
އެގޮތުން ރައީސް މުއިއްޒު އެދިވަޑައިގެންފައި ވަނީ މިވަގުތަށް ބޭނުންވާ މުހިންމު މަޝްރޫއުތައް ތަރުތީބު ކޮށްލުމަށްފަހު އެމަނިކުފާނަށް ދެންނެވުމަށެވެ.
ކުރީގަ ވެސް އަޅުގަނޑު މާލޭގަ މޭޔަރަކަށް ހުރިއިރު މަސައްކަތް ކުރީ ހަމަ އިފެކްޓިވްލީ ރައްޔިތުންގެ ގާތަށް ގޮސް، ލަފްޒީ މާނައިގަ ހަމަ ރައްޔިތުންގެ ގާތުން މަސައްކަތް ކުރީ. ހަމަ އެގޮތަށް މިހާރު ވެސް މަސައްކަތް ކުރަން ބޭނުންވަނީ. އަޅުގަނޑު ހުންނަ ތަނަށް އޮފީހަށް ކައުންސިލް ގެންނާކަށް ނޫން ބޭނުމީ. ކައުންސިލް އޮތް ތަނަށް އަޅުގަނޑު ދާން ބޭނުމީ.
ރައީސް ކިނބިދޫގައި ވިދާޅުވެފައިވެ އެވެ.
ކޮމެންޓު ފޮނުވާ