ޔޫރޯ ފުޓްބޯޅަ މުބާރާތުގެ ކޮލިފައިން ޕްލޭ އޯފްގެ ފުރަތަމަ މެޗު ކާމިޔާބުކޮށް 22 އަހަރުފަހުން ބޮޑު މުބާރާތަކަށް ކޮލިފައި ވުމުގެ އުންމީދު ސްކޮޓްލޭންޑުން އާ ކޮއްފިއެވެ.
ޔޫރޯ ކޮލިފައިން ޕްލޭ އޯފްގައި ރޭ އިސްރާއިލްގެ މައްޗަށް ކުރިހޯދީ މެޗުގެ ފުރިހަމަ ވަގުތު ހަމަވިއިރު ލަނޑެއް ނުޖެހި އެއްވަރުވުމުން ނަތިޖާ ނެރެމަށް ޖެހި ޕެނެލްޓީގައި 5-3 ލަނޑުން ކުރިހޯދައިގެންނެވެ.
ސްކޮޓްލޭންޑުގެ ފުރަތަމަ 11ގައި ހިމެނޭ ސްޓުއާޓް އާމްސްޓްރޯންގް، ކިއަރަން ޓިއޭނީ، ރަޔަން ކްރިސްޓީ، ސްކޮޓް މެކްކެނާ، ލިއަމް ޕަލްމާ، ޖޭމްސް ފޮރެސްޓް އަދި އޮލިވަރ ބާކަށް ކޮރޯނާ ވައިރެސްގެ ސަބަބުން ޓީމުގައި ބައިވެރިވެވޭ ގޮތް ވަނީ ނުވެފައެވެ. ރޭގަ ހޯދި މޮޅާއެކު ސްކޮޓްލޭންޑުން ވަނީ ބަލިނުވެ 6 މެޗު ހަމަކޮއްފައެވެ.
މިއީ 2013 ވަނަ އަހަރު އެމެރިކާ އަތުން އެއްވަރު ވުމަށްފަހު، ސްކޮޓްލޭންޑަށް މެޗުގެ ފުރިހަމަ ވަގުތުގައި ލަނޑެއް ނުޖެހި އެއްވަރުވި ފުރަތަމަ ފަހަރެވެ. ސްކޮޓުލޭންޑުން އެންމެ ފަހުން ބޮޑު މުބާރާތެއްގައި ވާދަކުރީ 1998 ވަނަ އަހަރުގެ ވޯލްޑް ކަޕުގައެވެ. މިއީ 2013 ވަނަ އަހަރު ބެލްޖިއަމްއާ ދެކޮޅަށް ކުޅެ ސްކޮޓްލޭންޑުން އިދިކޮޅުޓީމުގެ ގޯލަށް އަމާޒުކޮށް އެންމެ ހަމަލާއެއް ފޮނުވާނުލާ ނިންމާލި ފުރަތަމަ ފަހަރުއެވެ.
ކޮލިފައިން ޕްލޭ އޯފްގައި އަންނަ ނޮވެންބަރުމަހުގެ 12 ވަނަ ދަވަހު ސްކޮޓްލޭންޑް ނުކުންނާނީ ސާބިޔާއާ ދެކޮޅަށެވެ. ޕްލޭ އޯފް މެޗުތައް ކުރިޔަށްދަނީ އެއްލެގުން ނަތީޖާ ނެރޭގޮތަށެވެ.
