ބޮލީވުޑްގެ ބަތަލާ ވިދްޔާ ބާލަންގެ ފޭކް އިންސްޓަގްރާމް އެކައުންޓެއް ހަދައިގެން އޮޅުވާލައިގެން މީހުންގެ އަތުން ފައިސާ ނަގަމުންދާ މައްސަލައެއް އޭނާ ފުލުހުންނަށް ރިޕޯޓްކޮށްފި އެވެ.
ބޮލީވުޑްގެ މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ބުނަމުން އަންނަ ގޮތުގައި އެފަދަ މައްސަލައެއް ޝަކުވާ ވިދްޔާ ބޮންބޭގެ ޕޮލިސް ސްޓޭޝަނަކަށް ހުށަހަޅައިފައި ވާކަމަށެވެ.
އޭނާގެ ނަމުގައި ފޭކް އިންސްޓަގްރާމް އެކައުންޓެއް ހަދައިގެން މީހުންގެ އަތުން ފައިސާ ހޯދަމުން އަންނަނީ މީހުންނަށް ވަޒީފާ ދޭނެ ކަމަށް ބުނެ ކަމަށް މީޑިއާއިން ވަނީ ބުނެފައިއެވެ.
މި މައްސަލަ މިހާރު ފުލުހުން ތަހުގީގު ކުރަމުން އަންނަ ކަމަށް ވެއެވެ. ނަމަވެސް މި ކަމާއި ގުޅިގެން އަދި މިހާތަނަށް އެއްވެސް މީހަކު ހައްޔަރު ކޮށްފައި ނުވާކަމަށް ވެސް މައުލޫމާތު ލިބެއެވެ.
އިންޑިއާގެ އައިޓީ ގާނޫނުގައިވާ ގޮތުގައި، މިފަދަ ކުށެއް ސާބިތު ވެއްޖެ ނަމަ ޖަލު ހުކުމެއް އަންނާނެއެވެ. އަދި އެމީހަކު 100،000 ރުޕީސް އިން ޖޫރިމަނާކުރާނެ އެވެ.
