ހުނަރުވެރި ޒުވާން އެކްޓަރު ކާތިކް އާރިޔާން ގެ "އާޝިގީ 3″ ގެ ނަން ބަދަލުކޮށްފައިވާ ކަމަށް ރިޕޯޓްތައް ބުނެފި އެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ ބަޓް ކޭމްޕޭއި ޓީ ސީރީޒް ގުޅިގެން ހަދަން ނިންމާފައިވާ މި ފިލްމަށް މިހާރު ކިޔަން ނިންމާފައި ވަނީ "ތޫ އާޝިގީ ހޭ" ކަމަށެވެ. ނަމަވެސް ރަސްމީކޮން އަދި އެކަން އިއުލާނެއް ނުކުރެއެވެ.
ފިލްމު ހަދަން ނިންމާފައި ވަނީ 1981 ގެ ވަރަށް ކާމިޔާބު ލޯބީގެ ފިލްމު "ބަސޭރާ" އަށް ބިނާކޮށްގެން ކަމަށް ވެސް މީޑިއާތަކުން ބުނެ އެވެ. މި އަހަރުގެ މެދުތެރޭގައި މި ފިލްމްގެ ޝޫޓިން ފެށުމަށް ވަނީ ނިންމައިފައިއެވެ.
View this post on Instagram
މިހާރުވެސް ގިނަ ބަޔަކު އިންތިޒާރު ކުރަމުން އަންނަ މި ފިލްމް އަކީ ވަރަށް އަސަރުގަދަ ލޯބީގެ ފިލްމްއެކެވެ. މީގެ ކުރިން މި ނަމުގައި ނެރުނު ދެ ފިލްމް ވެސް ވަނީ ބެލުންތެރިންގެ މެދުގައި ބޮޑު މަގުބޫލު ކަމެއް ހޯދައިފައިއެވެ. އަދި ހަމަ އެހެންމެ މި ފިލްމްގެ ލަވަ ތަކަކީ ވެސް ވަރަށް ބޮޑު މަގުބޫލު ކަމެއް ހޯދައިފައިވާ ލަވަތަކެކެވެ.
މަހޭޝް ބަޓާއި މުކޭޝް ބަޓްގެ ވިޝޭސް ފިލްމްސް އާއި ބުޝަން ކުމާރުގެ ޓީ ސީރީޒް ގުޅިގެން ހަދާ "އާޝިގީ 3″ އިއުލާންކުރި މިދިޔަ އަހަރުގެ ސެޕްޓެމްބަރު 4 ގަ އެވެ. މީގެ ޑައިރެކްޓަރަކީ އަނުރާގް ބާސޫއެވެ.
