އިންޑިއާގެ މަޝްހޫރު ސްޕަސްޓާރު ޝާހުރުކް ހާން ގެ އަންހެނުން އަދި ފިލްމު ޕްރޮޑިއުސަރު ގޯރީ ހާން ބޮންބޭގައި ރެސްޓޯރެންޓެއް ހުޅުވައިފި އެވެ.
މިދިއަ ހަފްތާގައި ހުޅުވި މި ްރެސްޓޯރެންޓްގެ ނަމަކީ "ޓޯރީ" އެވެ. އަދި މިތަން ހާއްސަކޮށްފައި ވަނީ އޭޝިއާގެ ކެއުންތަކަށެވެ. މިހާރުވެސް ބޮލީވުޑްގެ ގިނަ އަދަދެއްގެ ތަރިން ނަކީ ރެސްޓޯރެންޓް ވިޔަފާރީ ކުރާ ތަރިންނެވެ.
ނުފޫޒު ގަދަ އިންޓީރިއާ ޑިޒައިނަރެއްގެ ގޮތުގައި ފާހަގަކޮށްލެވޭ ގޯރީ މި ރެސްޓޯރެންޓް ހުޅުވީ މި މަހު ނުވައެއްގަ އެވެ. ނަމަވެސް، މި ރެސްޓޯރެންޓް ހުޅުވުމަށް ހާއްސަކުރި ހަފުލާ ބޭއްވީ މިދިޔަ ބުދަ ދުވަހު އެވެ.
View this post on Instagram
"ޓޯރީ" އަކީ ގޯރީގެ ފުރަތަމަ ރެސްޓޯރަންޓެވެ. ތިން ކުދިންގެ މަންމަ އަކީ ގޯރީ ޑިޒައިން (ޖީކޭ) ގެ ނަމުގައި މުމްބާއީގައި އިންޓީރިއާ ޑިޒައިން ސްޓޫޑިއޯއެއް ވެސް ހިންގަމުން އަންނަ މީހެކެވެ.
ވޯގް އިންޑިއާ އިން ދިން އިންޓަވިއުއެއްގައި ގޯރީ ބުނީ މިއީ ދިރިއުޅުމުގައި ތަފާތު ކަމެއް ތަޖުރިބާކުރުމަށް އޭނާ ފެށި މަސައްކަތެއް ކަމަށެވެ. އަދި މި ރެސްޓޯރެންޓް ހުޅުވީ އިތުރު ދެ މީހަކާ އެކު ޕާޓްނާޝިޕް ހަދައިގެން ކަމަށް ވެސް ގޯރީ ބުންޏެވެ.
އެ ހުރިހާ މަސައްކަތަކާ އެކު، އޭނާ އާއި ފިރިމީހާ ޝާހު ގުޅިގެން އަންނަނީ އެ ދެމަފިރިންގެ އަމިއްލަ ފިލްމު ޕްރޮޑަކްޝަން ހައުސް "ރެޑް ޗިލީސް އެންޓަޓެއިންމަންޓް" ވެސް ހިންގަމުންނެވެ.
