ޑައިރެކްޓަރު/ޕްރޮޑިއުސަރު ސިދާތު އާނަންދުގެ ޕްރޮޑަކްޝަން ހައުސް، މާފްލިކްސް އިން ސައިފް އަލީ ޚާނާ އެކީ ހަދަން ނިންމާފައިވާ ފިލްމްގެ ނަމަކީ "ޖުވެލް ތީފް" ކަމަށް ރިޕޯޓްތައް ބުނެފި އެވެ.
އެކްޝަން ފިލްމްއެއްގެ ގޮތުގައި ހަދަން ނިންމައިފައިވާ މި ފިލްމް އިއުލާން ކުރީ މިދިއަ އަހަރުގައިއެވެ. ނަމަވެސް އޭރު ނަން އިއުލާން އެއް ނުކުރެއެވެ. ނަމަވެސް އެންމެ ފަހުގެ ހަބަރުތަށް ބުނާގޮތުގައި ފިލްމް ގެ ނަން ރެޖިސްޓްރީ ކުރުމަށް ފަހު މިހާރު ފިލްމްގެ ޝޫޓިންގ ގެ މަސައްކަތް ވެސް ފަށައިފިއެވެ.
މީގެ ކުރިން ވެސް "ޖުވެލް ތީފް" ގެ ނަމުގައި ވަރަށް ކާމިޔާބު ފިލްމެއް ގެނެސްދީފައިވެ އެވެ. އެއީ ދޭވް އާނަންދު ކުޅުނު 1967 ގެ ސްޕައި ހެއިސްޓް ތުރިލާއެކެވެ. ކާސްޓްގައި ވިޖަންތިމާލާ އާއި އަޝޯކް ކުމާރުގެ އިތުރުން ތަނޫޖާ ވެސް ހިމެނޭ މި ފިލްމް ގެ ޑައިރެކްޓަރަކީ ވިޖޭ އާނަންދެވެ.
ޑައިރެކްޓަރު ރޮބީ ގަރެވާލް ޑައިރެކްޓްކުރާ "ޖުވެލް ތީފް" ގެ ކާސްޓްގައި ސައިފް އާއި އެކުގައި ޖައިދީޕް އަހްލުވާތު ވެސް ހިމެނެ އެވެ. ރޮބީ އަކީ 2019 ގެ ރޯމިއޯ އަކްބަރު ވޯލްޓާ "ރޯ" ގެނެސްދިން ޑައިރެކްޓަރެވެ.
މީގެ ކުރިންވެސް ސިދާތްގެ ދެ ފިލްމްއެއް ސައިފް ވަނީ ކުޅެފައިއެވެ. އެއީ 2005 ގެ "ސަލާމް ނަމަސްތޭ" އާއި 2007 ގެ "ތަރަ ރަމް ޕަމް" އެވެ.
