އެދުވަހުގެ ކޮމިޓީ ބައްދަލުވުމުގައި ކޮމިޓީގެ މުގައްރިރު މަކުނުދޫ ދާއިރާގެ އެމްޑީޕީގެ މެންބަރު މުހައްމަދު ރާއީ ވިދާޅުވީ، ހާދިސާ ހިނގިތާ ގިނަދުވަސްތަކެއް ވެފައިވާތީ، މިމައްސަލައާއި ގުޅޭ ސީސީޓީވީ ފޫޓޭޖް މިހާރު ނެތްކަމަށް ޑިފެންސް މިނިސްޓްރީން އަންގާފައިވާ ކަމުގައެވެ.

މިމައްސަލައާއި ގުޅޭގޮތުން ވާހަކަ ދައްކަވަމުން އެދުވަހު، ތިނަދޫ ދެކުނު ދާއިރާގެ މެންބަރު ސަނީފް ވިދާޅުވީ މައްސަލަ ކޮމިޓީއަށް ހުށަހަޅާފައިވާ ތާރީޚާއި އަދި ސީސީޓީވީ ފޫޓޭޖު ހޯދުމަށް އެދިފައިވާ ތާރީޚުތަކަށް ބަލާއިރު، މިމައްސަލައިގެ ރެކޯޑު ގެއްލިގެންދާނެހާ ދުވަސް ފާއިތުވެއްޖެކަމަށް ގަބޫލު ނުކުރެވޭ ކަމުގައެވެ. އަދި އޭނާ ވިދާޅުވީ ރައްޔިތުންގެ މަޖިލިހުގެ އިދާރާގައި ސީސީޓީވީ ފޫޓޭޖު ރައްކާ ކޮށްފައި ބަހައްޓާ މުއްދަތެއް އެގެން ބޭނުންވާ ކަމުގައެވެ.

އޭނާ އިތުރަށް ވިދާޅުވީ މިފަހަރު ސީސީޓީވީ ފޫޓޭޖް ހޯދުމަށް އެދުނީ ރައްޔިތުންގެ މަޖިލިހުގައި ނަންބޯޑެއް ހަރުކޮށްގެން ކަމުގައިވި ނަމަވެސް، ކުރިޔަށް އޮތް ތަނުގައި މެމްބަރަކަށް ނުވަތަ މަޖިލިހުގެ އިދާރާގެ މުވައްޒަފަކަށް ކަމެއް ދިމާވެގެން ސީސީޓީވީ ފޫޓޭޖް ނުގެއްލޭނެކަން ޔަގީންވާނީ މިފަހަރުގެ ސީސީޓީވީ ފޫޓޭޖަށް ދިވާމި މައްސައަށް ހައްލެއް ހޯދިގެން ކަމުގައެވެ.

މިމައްސަލާގައި ވާހަކަ ދައްކަވަމުން ނޮޅިވަރަމް ދާއިރާގެ މެންބަރު މުހައްމަދު ނަޝީދު އެދުވަހުގެ ކޮމިޓީ ބައްދަލުވުމުގައި ވިދާޅުވީ ސީސީޓީވީ ފޫޓޭޖް ގެއްލުމުގައި ބައެއްގެ އިހުމާލު އޮތްކަން އެނގޭ ކަމަށާއި އެއީ ބަލަންޖެހޭ މައްސަލައެއް ކަމުގައެވެ.

ކޮމިޓީގެ މިއަދުގެ ބައްދަލުވުމުގައި އެ މައްސަލައަށް ގޮތެއް ނިންމަން ހުޅުވައިލުމުން، މަނަދޫ ދައިރާގެ މެންބަރު އަހްމަދު ހާރޫން ވިދާޅުވީ، އެ މައްސަލައަކީ މީގެ ތިން އަހަރު ކުރިން ކޮމިޓީއަށް ހުށަހެޅުނު މައްސަލައެއް ކަމަށެވެ.

މަޖިލީހުގެ ސެކިއުރިޓީ ބަލަހައްޓާ އެމްއެންޑީއެފް މެދުވެރިކޮށް އެ ކަމުގެ މައުލޫމާތު މަޖިލީހަށް ހޯދާފައިވާ ކަމަށާއި، ލަސްވުމުގެ ސަބަބުން އެ މައްސަލައަށް ބޭނުންވާ ސީސީޓީވީ ފްޓޭޖު ފެންނަން ނެތް ކަމަށް އެމްއެންޑީއެފުން ބުނެފައިވާ ކަމަށްވެސް ވިދާޅުވިއެވެ. އެހެންކަމުން އެކަންކުރި ފަރާތް ބެލޭނެ އެއްވެސް ގޮތެއް ނެތުމުން އެމްއެންޑީއެފްގެ ސިޓީއާ ހަވާލާދީ އެ މައްސަލަ ހުށަހެޅި ފަރާތަށް ޖަވާބުދީ މައްސަލަ ނިންމަންވެސް ހުށަހެޅުއްވިއެވެ.