ރައީސުލްޖުމްހޫރިއްޔާ އަޒުލު ކުރުން ފަސޭހަކުރުމަށް ރައްޔިތުންގެ މަޖިލީހުން ގެނައި އިސްލާހުތަކަށް އަމަލު ކުރުން މަޑުޖައްސާލުމަށް ސުޕްރީމް ކޯޓުން ނެރެފައިވާ ވަގުތީ އަމުރަށް އަމަލުކުރަން ނުޖެހޭނެކަމަށް ރައްޔިތުންގެ މަޖިލިހުން ނިންމައިފިއެވެ.
މިމަހުގެ 8 ވަނަ ދުވަހު ރާއްޖޭގެ ސުޕްރިމް ކޯޓުންވަނީ ރައީސުލްޖުމްހޫރިއްޔާއާއި އެމަނިކުފާނުގެ ނާއިބު އަޒުލް ކުރުން ފަސޭހަވާގޮތަށް މަޖިލިހުގެ ގަވާއިދަށް ގެނައި އިސްލާހަށް އަމަލުކުރުން ވަގުތީގޮތުން މަޑުޖައްސާލުމަށް އަމުރު ކޮށްފައެވެ. ރައްޔިތުންގެ މަޖިލީހުގެ ގަވާއިދަށް ގެނެސްފައިވާ އިސްލާހަކީ މަޖިލީހުގެ ޖުމުލަ މެންބަރުން ގުނާއިރު އިސްތިއުފާ ދީފައިވާ މެންބަރުން ނުގުނާގޮތަށް މަޖިލީހުގެ ގަވާއިދަށް ގެނައި އިސްލާހެކެވެ.
ސުޕްރިމް ކޯޓުން ކޮށްފައިވާ ވަގުތީ އަމުރުމަށް އަމަލުުރަން ނުޖެހޭނެކަމަށް ނިންމާފައިވަނީ މިއަދު މަޖިލީހުގައި ނެގި ވޯޓުގައި ބައިވެރިވެވަަޑައިގެންނެވި މެމްބަރުންގެ ތެރެއިން 45 މެމްބަރުންގެ ވޯޓާއެކު އެވެ. މިއދުގެ ޖަލްސާގައި މަޖިލިހުގެ އެއްވެސް މެމްބަރަކު އެ ހުށަހެޅުމާ ދެކޮޅަށް ވޯޓު ދީފައި ނުވެ އެވެ.
މި އިސްލާހާ ގުޅޭގޮތުން މިއަދުގެ ޖަލްސާ ފައްޓަވަމުން އަސްލަމް ވިދާޅުވީ ކޯޓުން މަޖިލީހުގެ މައްޗަށް މި އަމުރު ނެރުއްވާފައިވީ ނަމަވެސް އެ މައްސަލައިގައި ހިމެނޭ ގަވާއިދަކީ ގާނޫނު އަސާސީއާ ހިލާފު ގަވާއިދެއްތޯ ކަނޑައަޅާފައިނުވާ ކަމަށެވެ.
އާ ސަރުކާރުން ވެރިކަމާ ހަވާލުވުމަށްފަހު، ރައްޔިތުންގެ މަޖިލިހުގެ 7 މެމްބަރަކުވަނީ މެމްބަރުކަމުން އިސްތިއުފާ ދެއްވާފައެވެ.
މަޖިލިހުގެ ގަވާއިދަށް ގެނެވެނު އިސްލާހާއެކު، މަޖިލިހުން ހުސްވެފައިވާ ގޮނޑިތައް ނުލާ މަޖިލިސް މެމްބަރުން އަދަދު ގުނާއިރު، މަޖިލިހުގެ ޖުމްލަ މެމްބަރުންގެ އަދަދަކީ 80 މެމްބަރުންނެވެ.
މި މާއްދާގެ އިތުރުންވެސް ރައީސުލްޖުމްހޫރިއްޔާއާއި އެމަނިކުފާނުގެ ނައިބު މަގާމުން އަޒުކުރެވޭ ގޮތަށް ލުއި ގެނައުމުގެ ގޮތުން މަޖިލިހުގެ ގަވައިދުގެ އެހެން މާއްދާތަކަށްވެސް ވަނީ ލުއި ގެނެސްފައެވެ.
ކޮމެންޓު ފޮނުވާ