ލޯބިވެރިއާ ރޮހްމާން ޝޯލް އާއި ކައިވެނި ކުރަން އުޅޭ ވާހަކަތަކަށް ސުޝްމިތާ ސެން ރައްދު ދީފިއެވެ. ރޮހްމާން އާއި ދެވަނަ ފަހަރަށް ރައްޓެހިވުމާއި އެކުގައި މީޑިއާއިން އެމީހުން ކައިވެނި ކުރަން އުޅޭ ކަމަށް ބުނެ ރިޕޯޓް ކުރިއެވެ.
މިކަމާއި ގުޅިގެން ސުޝްމިތާ ބުނީ ރަހުމަތެރިކަން އޭނާ އަށް ކައިވެންޏަށް ވުރެ މުހިންމު ކަމަށާއި އަދި ފްރީޑަމް ވެސް އޭނާ އަށް ކައިވެންޏަށް ވުރެ މާބޮޑަށް ވެސް މުހިންމު ކަމަށެވެ.
"އަހަރެން ކައިވެންޏަކާއި ދެކޮޅެއް ނުހަދަން. ކައިވެނި ކުރަން ޖެހޭ ކަމާއި ކުރުމާއި ކުރަން ބޭނުން ވުމާ މިހުރިހާ ކަމެއް އަހަރެން ގަބޫލު ކުރަން. އަދި ކައިވެނި ކޮށްގެން ރީތި ދިިރިއުޅުމެއް އުޅުން ވެސް ގަބޫލު ކުރަން. އެކަމަކު އަހަރެން އަދި ކައިވެނި ކުރާކަށް ނޫޅެން. ކައިވެންޏަށް ވުރެ ރަހުމަތެރިކަން އަހަރެންނަށް މުހިންމު. ކައިވެންޏަށް ވުރެ ފްރީޑަމް މުހިންމު"
ސުޝްމިތާ ބުނީ އޭނާ ކައިވެނި ކޮށްގެން ރީތި ދިިރިއުޅުމެއް އުޅެން ބޭނުން ކަމަށެވެ. އަދި ލޯބި މުހިންމު ކަމަށާއި ލޯބި އާއި ނުލާ އުޅެވޭނެ ކަމަށް ގަބޫލު ވެސް ނުކުރާ ކަމަށް އޭނާ ވަނީ ބުނެފައިއެވެ.
View this post on Instagram
ރޮހްމާން އާއި ސުޝްމީތާ ލޯބީގެ ގޮތުން ގުޅިގެން އުޅުމަށް ފަހު އެމީހުން ރުޅިވީ 2021 ގައިއެވެ. އަދި ސުޝްމީތާ ވަނީ ވިޔަފާރީ ވެރިއާ ލަލިތް މޯދީ އާއި އެކުގައި ލޯބީގެ ގުޅުމެއް ބާއްވާފައިއެވެ. ނަމަވެސް ލަލިތް އާއި ސުޝްމީތާ ރުޅިވެ އަނެއްކައިވެސް މިހާރު އުޅެނީ އޭނާ އަށް ވުރެ 15 އަހަރު ހަގު ރޮހްމާން އާއި ލޯބީގެ ގޮތުން ގުޅިގެންނެވެ.
