ބާ ކައުންސިލްގެ ރައީސް އިސްމާއީލް ވިޝާމް އަވަހާރަވުމަކީ ރާއްޖޭގެ ގާނޫނީ ދާއިރާ އަށް ލިބުނު ބޮޑު ނުހަނު ބޮޑު ހުސްކަމެއް ކަމަށް ކުރީގެ ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެއެވެ.
ވިޝާމް ކުއްލި ގޮތަކަށް އަވަހާރަވުމާ ގުޅިގެން ކުރީގެ ރައީސް އިބުރާހިމް މުހައްމަދު ސާލިހް "އެކްސް" ގައި ކުރެއްވި ޕޯސްޓެއްގައި ވިދާޅުވީ ކުޅަދާނަ ގާނޫނީ ވަކީލް ވިޝާމް ކުއްލި ގޮތަކަށް އަވަހާރަވުމުން ރާއްޖޭގެ ގާނޫނީ ދާއިރާއަށް ލިބިގެން އެ ދިޔައީ ނުހަނު ބޮޑު ހުސް ކަމެއް ކަމަށެވެ.
ބާރ ކައުންސިލްގެ ރައީސް އަދި ކުޅަދާނަ ޤާނޫނީ ވަކީލް އިސްމާޢީލް ވިޝާމް ކުއްލި ގޮތަކަށް އަވަހާރަވުމުން ރާއްޖޭގެ ޤާނޫނީ ދާއިރާއަށް ލިބިގެން އެދިޔައީ ނުހަނު ބޮޑު ހުސްކަމެއް. އެހާ ޒުވާން އުމުރުގައި ރާއްޖޭގެ ލީގަލް ޕްރޮފެޝަން ކުރިއެރުވުމަށް ވިޝާމް ކޮށްދެއްވި މަސައްކަތް އަބަދުވެސް ފާހަގަކޮށްލެވޭނެ. މިހިތާމަވެރި ވަގުތު އާއިލާއަށް އިޚްލާޞްތެރި ތަޢުޒިޔާ ދަންނަވަން. މާތް ﷲ މަރުހޫމަށް ސުވަރުގޭގެ ދާއިމީ ނިޢުމަތް މިންވަރުކުރައްވާށި. އާމީން
ރައީސް ސާލިހު ވިދާޅުވެފައި ވެއެވެ.
ބަންޑާރަ ނާއިބުގެ އޮފީހުގެ އިސް މަގާމުތަކެއް ވެސް ފުރުއްވާފައިވާ ވިޝާމް އަވަހާރަވި އިރު، އުމުރަކީ 39 އަހަރެވެ. އެނގިފައިވާ ގޮތުގައި އޭނާ ވެއްޓިފައި އޮއްވައި ފެނިފައިވަނީ ގޭތެރެއިންނެވެ. ވިޝާމް ގެންދެވީ ބާ ކައުންސިލްގެ ދެވަނަ ދައުރުގެ ރައީސްގެ މަގާމުގެ ފުރުއްވަމުންނެވެ.
ވިޝާމްގެ ކުއްލި ވަކިވުމާއެކު ގާނޫނީ ދާއިރާގެ އިސް ބޭފުޅުންނާއި ވަކީލުން ގެންދަނީ އާއިލާއަށް ތައުޒިޔާ ފޮނުވަމުންނެވެ.
ކޮމެންޓު ފޮނުވާ