ރައީސްގެ ވައުދުފުޅާ އެއްގޮތަށް ހުޅުމާލޭ ފޭސް 1ގެ ސޯޝަލް ހައުސިންގް ޔުނިޓްތަކުގެ ކުލި ކުޑަ ކޮށްދީފިއެވެ.
އަންނަ މަހުން ފެށިގެން ހުޅުމާލެ ފުރަތަމަ ފިޔަވަހީގެ ފްލެޓްތަކުގެ ކުލިން 20 ޕަސެންޓް ކުޑަ ކޮށްދެއްވާނެ ކަމަށް ރައީސް ވިދާޅުވީ ދާދިފަހުން މާލެ ސިޓީ މޭޔަރުގެ މަގާމަށް ޕީއެންސީގެ ޓިކެޓުގައި ވާދަކުރެއްވި އާއިޝަތު އާޒިމާ ޝަކޫރުގެ ކެމްޕެއިން ރަސްމިއްޔާތެއްގައި ވާހަކަފުޅު ދައްކަވަމުންނެވެ.
އެގޮތުން މި ޖެނުއަރީމަހުގެ 6 ވަނަދުވަހު، ހުޅުމާލޭގެ ފުރަތަމަ ފިޔަވަހީގައި ބޭއްވި، ޕީއެންސީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ އާޒިމާ ޝަކޫރުގެ ކެމްޕޭން އިވެންޓުގައި ވާހަކަ ދައްކަވަމުން ރައީސް ވިދާޅުވީ ފެބްރުއަރީ މަހުން ފެށިގެން 20 އިންސައްތަ އެ ފްލެޓްތަކުގެ ކުލިން ކުޑަވެގެން ދާނެ ކަމަށެވެ.
އަޅުގަނޑު މިއަދު މިތަނުގައި އިއުލާނު ކޮށްލަން ބޭނުން ވަނީ ފުރަތަމަ ފިޔަވަހީގައި ހުރި ހުރިޙާ ފްލެޓަކުން މިއަންނަ މަހުން ފެށިގެން 20 ޕަސެންޓް އަގު ކުޑަވެގެން ދާނެ.
ރައީސް ވިދާޅުވިއެވެ.
