އިންޑިއާ ދަރިކޮޅުގެ އިނގިރޭސި އެކްޓަރު ދޭވް ޕަޓޭލް ލިޔެ، ޕްރޮޑިއުސްކޮށް، ކުޅެ އަދި ޑައިރެކްޓްކުރި ފިލްމު "މަންކީ މޭން" މި އަހަރުގެ އެޕްރީލް 5 ގައި ގެނެސްދިނުމަށް ތާވަލު ކޮށްފިއެވެ.
28 އަހަރުގެ އެކްޓަރު ޑައިރެޓްކުރި ފުރަތަމަ ފިލްމުގައި އެކްޓްކުރުމުގެ އިތުރުން ކޯ-ރައިޓަރަކީ ވެސް ފިލްމު "ލަޔަން" އިން 2016 ގައި އެންމެ މޮޅު ސަޕޯޓިން އެކްޓަރުގެ އޮސްކާ އަށް ނޮމިނެޓްވި ދޭވް އެވެ.
ނެޓްފްލިކްސްއާ ގުޅިގެން ހަދާފައިވާ މި އެކްޝަން ތުރިލާ ގެ ޑިސްޓްރިބިއުޝަނާ ހަވާލުވެފައި ވަނީ ހޮލީވުޑްގެ މަޝްހޫރު ސްޓޫޑިއޯ ޔުނިވާސަލް ޕިކްޗާސްއިންނެވެ. މީގައި ކިޔައިދޭނީ ޖަލުން ފިލައިގެން ބަދަލު ހިފުމުގެ މަސައްކަތްތަކެއް ކުރާ ޒުވާނެއްގެ ވާހަކަ އެވެ.
"މަންކީ" މޭން" ސިނަޓޯގްރަފީއާ ހަވާލުވެފައި ވަނީ ބިރުވެރި ފިލްމު "އިޓް" ގެ ކެމެރާމަން ޗަންގް-ހޫ ޗުންގް އެވެ. އަދި ފިލްމު އެކްޝަން ޑައިރެޓަރަކީ "އެޓޮމިކް ބްލޮންޑް" އާއި "ޖޯން ވިކް" ފަދަ ފިލްމުކުގެ އެކްޝަންތައް ޑިޒައިން ކުރި 87އިލެވެން އެވެ.
މި ފިލްމުގެ ކާސްޓްގައި އިންޑިއާގެ ނުފޫޒު ގަދަ ވަރުގަދަ ތަރިން ތަކެއް ހިމެނެއެވެ. އޭގެ ތެރޭގައި ޝޮބީތާ ދުލިޕާލާ، ސިކަންދަރު ކޭރް، ވިޕިން ޝަރުމާ، އަޝްވިނީ ކަލްސޭކަރް، މަކްރަންދި ދޭޝްޕާންޑޭ އަދި ޕިތޯބަޝް ހިމެނެ އެވެ.
