ބޮލީވުޑްގެ އެކްޓަރު ސައިފް އަލީ ހާން އާއި ކުރީގެ ބަތަލާ އަމްރިތާ ސިންގްގެ ފިރިހެން ދަރިފުޅު އިބްރަހިމް އަލީ ބޮލީވުޑްއަށް ތައާރަފްވާ ފިލްމް ގެ މަސައްކަތް މިހާރު އޮތީ ނިމިފައިކަމަށް ފިލްމްގެ ޕްރޮޑިއުސަރު ބުނެފިއެވެ.
މި ފިލްމް އަކީ ބޮލީވުޑްގެ ނުފޫޒު ގަދަ ޑައިރެކްޓަރު/ ޕްރޮޑިއުސަރު ކަރަން ޖޯހަރުގެ ދަރްމާ ޕްރޮޑަކްޝަން އިން ގެނެސްދޭ ފިލްމްއެކެވެ. މިކަމާއި ގުޅިގެން ކަރަން ވަނީ ސޯޝަލް މީޑީއާގައި ޕޯސްޓެއް ހިއްސާ ކޮށްފައިއެވެ.
އެ ޕޯސްޓުގައި ވަނީ އެ ފިލްމުން ފެންނާނެ ބައެއް އެކްޓަރުންނާ ގުޅޭ "ހިންޓުތަކެއް" ވެސް ދީފަ އެވެ. އެގޮތުން ޕޯސްޓްގައި ފާހަގަކޮށްފައިވާ ގޮތުގައި މި ފިލްމަކީ ލެގަސީއެއް ދިރުވަން ނުކުންނަ އާ އެކްޓަރެއްގެ ފިލްމެއް ކަމަށާއި މީގައި ދާދި ފަހުން ރިލީޒްކުރި ދެކުނުގެ ވަރުގަދަ ފިލްމެއްގައި ހިއްސާވި އެކްޓަރަކާއި ވަރަށް މޮޅު ބަތަލާއެއް ވެސް ހިމެނޭނެ ކަމަށް ބުނެފައިވެ އެވެ.
View this post on Instagram
އިބްރާހިމް ބޮލީވުޑްއަށް ތައާރަފްވާ އިރުގައި އޭނާ ވަނީ ކަރަން މިދިއަ އަހަރު ގެނެސްދިން ފިލްމް "ރޮކީ އޯރު ރާނީ ކީ ޕްރޭމް ކަހާނީ"ގައި އެސިސްޓެންޓް ޑައިރެކްޓަރެއްގެ ގޮތުގައި މަސައްކަތް ކޮށްފަ އެވެ.
