ގްލޯބަލް ކްލައިމެޓް ޕާފޯމަންސް އިންޑެކްސްގެ ހަތް ވަނައަށް އަރާ، އިންޑިއާއަށް ބޮޑު ކުރިއެރުމެއް ލިބުމަކީ މޫސުމަށް އަންނަ ބަދަލުތަކުން އަރައިގަތުމަށް އެގައުމުން ކުރަމުން އަންނަ ހާއްސަ އަދި ހަރުދަނާ ފިޔަވަޅުތައް ދައްކުވައިދޭ ކަމެކެވެ. ކާބަން ބޭރުކުރާ މިންވަރު ވަރަށް ބޮޑަށް މަދުވުމުގެ ސަބަބުން ތިމާވެށީގެ ދާއިރާއިން ދުނިޔޭގެ އެންމެ ކުރީސަފުގައި އިންޑިއާ ހިމެނިއްޖެއެވެ.
ދުބާއީގައި ބޭއްވި ގްލޯބަލް ކްލައިމެޓް ކޮންފަރެންސް (ކޮޕް-28) ގައި ނެރުނު ރިޕޯޓެއްގައި ވާގޮތުން އިންޑިއާ އިން ވަނީ ކުރީގެ ރޭންކިންއަށް ވުރެ އެއް ރޭންކް ކުރިއެރުމުގެ އިތުރުން ވިދިވިދިގެން ފަސް އަހަރު ގަދަ 10 ގެ މަގާމު ދަމަހައްޓައިފައެވެ.
އިންޑިއާގެ ބޮޑުވަޒީރު ނަރެންދުރަ މޯދީގެ އިސްނެންގެވުމުގެ ދަށުން، ފެހި އަދި ދެމެހެއްޓެނިވި މުސްތަގުބަލަކަށް ގައުމު ގެންގޮސްދީ، ވަރުގަދަ ގިނަ މަސައްކަތްތަކެއް ވަނީ ފަށައިފައެވެ.
އިޔާދަކުރަނިވި ހަކަތަ ފުޅާކުރުން
އިޔާދަކުރަނިވި ހަކަތައިގެ ވަސީލަތްތަކަށް އިންޑިއާއިން ކުރާ ވަރުގަދަ އިންވެސްޓްމަންޓަކީ މި ކުރިއެރުމުގެ މައިގަނޑު އަސާސެވެ. މޯދީގެ ސަރުކާރުން ވަނީ ސޯލާ އަދި ވިންޑް ޕަވާ ކެޕޭސިޓީ ވަރަށް ބޮޑަށް ފުޅާކޮށް، ފޮސިލް ފިއުލްއަށް ބަރޯސާވާ މިންވަރު ކުޑަކޮށް، ގްރީންހައުސް ގޭސް ބޭރުކުރާ މިންވަރު މަދުކޮށްފައެވެ. އިއާދަކުރަނިވި ހަކަތައަށް މި ބަދަލުވުމަކީ ދެމެހެއްޓެނިވި ގޮތެއްގައި ހަކަތަ އުފެއްދުމަށް އިންޑިއާގެ މޫސުމީ ސްޓްރެޓެޖީގެ މައިގަނޑު އަސާސެކެވެ. ސަރުކާރުން ހިއްސާކޮށްފައިވާ މައުލޫމާތަށް ބަލާއިރު، މިހާތަނަށް އެގައުމުގައި ޖުމްލަ 72.02 ގިގަވޮޓްގެ ސޯލާ ޕަވާ ކެޕޭސިޓީގެ މަޝްރޫއުތަކެއް ވަނީ ގާއިމުކޮށްފައެވެ.
ނޭޝަނަލް އިލެކްޓްރިކް މޮބިލިޓީ މިޝަން ޕްލޭން
ނޭޝަނަލް އިލެކްޓްރިކް މޮބިލިޓީ މިޝަން ޕްލޭން (އެންއީއެމްޕީ) 2020 ގެ ދަށުން އިންޑިއާއިން ވަނީ އިލެކްޓްރިކް މޮބިލިޓީ އަށް އެއްބާރުލުންދީފައިއެވެ. އެއީ ހައިބްރިޑް އަދި އިލެކްޓްރިކް އުޅަނދުތައް ގައުމުގައި އިޝްތިހާރުކޮށް ގައުމީ ތެލުގެ ރައްކާތެރިކަން ހާސިލްކުރުމެވެ.
ކޮންމެ އަހަރަކު 6-7 މިލިއަން ހައިބްރިޑް އަދި އިލެކްޓްރިކް ވެހިކަލް ވިއްކުމަށް އަމާޒު ހިފާފައިވާއިރު، ސަރުކާރުގެ އަމާޒަކީ މި ޓެކްނޮލޮޖީ ފެށުމަށް ފިސްކަލް އަދި މަނިޓަރީ އިނާޔަތްތައް ދިނުމެވެ.
އިންޓަނޭޝަނަލް ސޯލާ އެލަޔަންސް ލީޑާޝިޕް
އިންޑިއާގެ ބޮޑުވަޒީރު ނަރެންދުރަ މޯދީ އަކީ ސޯލާ ހަކަތަ ހަރުދަނާ ގޮތެއްގައި ބޭނުންކުރުމަށް އަމާޒުހިފާފައިވާ ބައިނަލްއަގުވާމީ އިއްތިހާދެއް ކަމަށްވާ އިންޓަނޭޝަނަލް ސޯލާ އެލަޔަންސް (އައިއެސްއޭ) ހިންގުމުގައި އިސްދައުރެއް އަދާކުރައްވާ ބޭފުޅެކެވެ. ޓްރޮޕިކަލް ގައުމުތަކުގައި ސޯލާ ޓެކްނޮލޮޖީ ޕްރޮމޯޓްކޮށް، އައިއެސްއޭ އިން ދަނީ ހަކަތައިގެ ފަގީރުކަމާއި ތިމާވެށީގެ ކަންބޮޑުވުންތަކަށް ހައްލު ހޯދަމުންނެވެ.
އިންޑިއާ އާއި ފަރަންސޭސިވިލާތް ގުޅިގެން 2015 ވަނަ އަހަރު އުފެއްދި އައިއެސްއޭގެ އަމާޒަކީ ފޮސިލް ފިއުލްއަށް ބަރޯސާވާ މިންވަރު ކުޑަކުރުމަށް ސޯލާ ހަކަތަ ބޭނުންކުރުމެވެ. މައިގަނޑު ގޮތެއްގައި ޓްރޮޕިކްސް އޮފް ކެންސަރާއި މަކަރާއި ހީލަތުގެ މެދުގައި އޮންނަ ގައުމުތައް ހިމެނޭ މި އެލަޔަންސް ވަނީ ފާއިތުވި އަހަރުތަކުގައި ވަރަށް ބޮޑަށް އިތުރުވެފަ އެވެ.
މޫސުމަށް އަންނަ ބަދަލުތަކުން އަރައިގަތުމަށް ގެންގުޅޭ ސިޔާސަތުތައް
އިންޑިއާއިން ވަނީ 2030 ވަނަ އަހަރާ ހަމައަށް ޖީޑީޕީގެ އެމިޝަން އިންޓެންސިޓީ 45 އިންސައްތަ ދަށްކުރުމަށް ވައުދުވެފައެވެ. އަޕްޑޭޓް ކޮށްފައިވާ ނެޝަނަލް ޑިޓައިޑް ކޮންޓްރިބިއުޝަން (އެންޑީސީ) އަކީ 2070 ވަނަ އަހަރުގެ ނިޔަލަށް ނެޓް ޒީރޯ އެމިޝަންއަށް ވާސިލްވުމަށް އިންޑިއާއިން ކަނޑައަޅާފައިވާ ދިގު މުއްދަތުގެ އަމާޒަށް ވާސިލްވުމަށް އެޅުނު މުހިންމު ފިޔަވަޅެކެވެ.
ބޮޑުވަޒީރު މޯދީގެ ސިޔާސަތުތަކުގެ ސަބަބުން އިންޑިޔާއިން ބައްދަލުކުރުމުގެ އިތުރުން، ގިނަ ހާލަތްތަކުގައި ބައިނަލްއަޤްވާމީ ވަޢުދުތައް ޙާސިލްކުރުމަށް މަގުފަހިކޮށްދެއެވެ. މި ސިޔާސަތުތަކުގައި މޫސުމަށް އަންނަ ބަދަލުތަކުގެ ސަބަބުން ކުރާ ނޭދެވޭ އަސަރުތައް ކުޑަކުރުމަށް ޓަކައި މިޓިގޭޝަން ސްޓްރެޓެޖީއާއި، އޭގެ އަސަރުތައް މެނޭޖްކުރުމަށް އެޑަޕްޓޭޝަން ފިޔަވަޅުތައް އެޅުމުގެ މައްޗަށް އަލިއަޅުވާލާފައިވެއެވެ.
ގްރީން އިންފްރާސްޓްރަކްޗަރ ޑިވެލޮޕްމަންޓް
ގްރީން އިންފްރާސްޓްރަކްޗާ ތަރައްގީ ކުރުމަކީ މޯދީގެ ސަރުކާރުން ކުރިއެރިން ހޯދާފައިވާ އަނެއް ދާއިރާ އެވެ. މިއީ ސްމާޓް ސިޓީތަކާއި ތިމާވެއްޓާ ރައްޓެހި އިމާރާތްތައް ފަދަ ހަރަކާތްތަކަކީ މޫސުމާ ގުޅުންހުރި ގޮންޖެހުންތަކުން އަރައިގަނެވޭނެ ފަދަ ދެމެހެއްޓެނިވި އާބަން މާހައުލެއް ގާއިމުކުރުމުގެ ބޮޑު ޕްލޭނެއްގެ ދަށުން ކުރިއަށް ގެންދާ މަސައްކަތެކެވެ.
މީގެ އިތުރުން، އިންޑިޔާއިން ރީފޮރަސްޓޭޝަން އާއި ދިރޭތަކެތީގެ ދިރުންތައް ހިމާޔަތްކުރުމަށް ކުރަމުންދާ މަސައްކަތްތަކުގެ ސަބަބުން ބަޔޯޑައިވާސިޓީއަށް ވަރަށް ބޮޑު ހިއްސާއެއް ފޯރުކޮށްދެވި، ކާބަން ސީކުއެސްޓްރޭޝަނަށް އެހީތެރިކަން ފޯރުކޮށްދެއެވެ. މި މަސައްކަތްތަކުގެ ސަބަބުން މުޅި ތިމާވެށީގެ ބެލެންސް ދެމެހެއްޓުމަށާއި މޫސުމަށް އަންނަ ބަދަލުތަކުގެ އަސަރު ކުޑަކުރުމަށް އެހީތެރިވެދެއެވެ.
އިންޑިޔާއިން ވަނީ ބައިނަލްއަޤްވާމީ މޫސުމީ އެއްބަސްވުންތަކާއި، ޚާއްޞަކޮށް ޕެރިސް އެގްރީމަންޓްގައި ބައިވެރިވެފައެވެ.
