ރާއްޖޭގައި ބިދޭސީން ގިނަވެ، އެކަމުގެ ކަންބޮޑުވުން ސޯޝަލް މީޑިއާގައި ފާޅުކުރަމުން އައި ޒުވާނަކަށް، ބިދޭސީންގެ މައްސަލަ ހައްލުކުރުމަށް އުފައްދާ ޓާސްކް ފޯހުން ޖާގަ ދޭނެކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވިދާޅުވެއްޖެއެވެ.
އަލީ އިހުސާން މިއަދު ކުރެއްވި އެކްސް ޕޯސްޓެއްގައި ވިދާޅުވީ، ހަސަން ޝަރީފް ނަމަކަށް ކިޔާ އެޒުވާނާއާއި އޭނާ ބައްދަލު ކޮށްފައިވާ ކަމަށާއި، އެ ޒުވާނާވެސް ފާޅުކުރަމުން އަންނަނީ ބިދޭސީންގެ މައްސަލަތަކުގައި، ރައީސް މުއިއްޒުގެ އިރުޝާދުގެ މަތިން ހައްލުކުރުމަށް އޭނާވެސް މަސައްކަތް ކުރައްވަމުން ގެންދަވާ މައްސަލަތައް ކަމުގައެވެ.
I have met Hassan Shareef today. The concerns he raised on Social media regarding illegal expatriate activities were the same concerns I am addressing under President @MMuizzu’s guidance. I am going to invite Hassan to work with our task force to address this issue. pic.twitter.com/Mqdl6tYQFN
— Minister of Homeland Security & Technology (@min_mohst) January 25, 2024
ހަސަން ޝަރީފް އަންނަނީ ރާއްޖެއަށް ކުރިމަތިވެފައިވާ ބިދޭސީންގެ މައްސަލަތަކާއި ގުޅޭގޮތުން ޓިކްޓޮކްގައި ވީޑިއޯ ހަދާ އާންމު ކުރަމުންނެވެ. އެގޮތުން އޭނާ ބުނާ ގޮތުގައި ރާއްޖޭގެ ފަޅުރަށްރަށާއި މަސްދޯނިތަކާއި ވިޔަފާރިތައް ވެސް ބިދޭސީންގެ އަތްމަތީގައެވެ. އެގޮތުން އޭނާ ބުނެފައިވަނީ ގައުމުގެ %99 ވިޔަފާރި މިހާރު ހުރީ ބިދޭސީންގެ އަތްމަތީގައެވެ.
އިހުސާންގެ އެކްސް ޕޯސްޓުގައި އޭނާ ވިދާޅުވެފައިވަނީ ބިދޭސީންގެ މައްސަލަތަކާ ގުޅޭގޮތުން މިނިސްޓްރީން އެކުލަވާލާފައިވާ ޓާސްކް ފޯހުން އެ ޒުވާނާއަށް ފުރުސަތު ދިނުމަށް މިހަރުވަނީ ނިންމާފައެވެ.
ކޮމެންޓު ފޮނުވާ