ބޮލީވުޑްގެ މަޝްހޫރު އެކްޓަރު އާމިރު ހާންގެ ކުރިއަށް އޮތް ފިލްމްގެ ޝޫޓިން ވަރަށް އަވަހަށް ފަށަން ތައްޔާރު ވެފައިވާކަމަށް މީޑިއާއިން ބުނެފިއެވެ.
އޭނާ އެންމެ ފަހުން ފެނިގެންދިއައީ 2022 ވަނަ އަހަރުގެ ފިލްމް "ލާލް ސިންގް ޗައްޑާ" އިން ކަރީނާ ކަޕޫރު އާއިއެކުގައިއެވެ. މި ފިލްމް އަށް ބެލުންތެރިންގެ ފަރާތުން ލިބުނު ފިނި ތަރުހީބުގެ ސަބަބުން ހިތްހަލާކުވެގެން އާމިރު ދޮޅުއަަރެއްހައި ދުވަހުގެ ބްރޭކެއް ވަނީ ނަގައިފައިއެވެ.
މިހާރު ޝޫޓިން ފެށުމަށް ތައްޔާރުވަމުން އަންނަނީ އެ ބްރޭކް އަށް ފަހު އޭނާ އަލުން އެނބުރި އަންނަ ފިލްމްއެވެ. މި ފިލްމް އަކީ އޭނާ މި ނެގި ބްރޭކްގައި ވަރަށް ބޮޑަށް ވިސްނުމަށްފަހުގައި ކުޅުމަށް ނިންމި ފިލްމްއެކެވެ.
View this post on Instagram
ޕިންކްވިލާ އިން ބުނީ ސްޕެއިންގެ 2018 ގެ ފިލްމު "ޗެމްޕިއަންސް" އަށް ބިނާކޮށް ހަދާ ފިލްމު އާރްއެެސް ޕްރައްސަނާ ޑައިރެކްޓްކުރާ އިރު، މީގެ ޝޫޓިން އަންނަ މަހުގެ 2 ގައި ފަށާނެ ކަމަށެވެ. އަދި މުޅި ފިލްމުގެ ޝޫޓިން 70-80 ވަރަކަށް ދުވަހުގެ ތެރޭގައި ނިންމަން ޕްލޭންކޮށްފައިވާ ކަމަށް ޕިންކްވިލާ އިން ބުންޏެވެ.
އެ ނޫހުން ބުނި ގޮތުގައި "ސިތާރޭ ޒަމީން ޕަރު" ގެ ޝޫޓިން ފަށަން ގާތްވަމުން އަންނަ އިރު، މި ފިލްމަށް އާމިރު ވަރަށް ބޮޑަށް ތައްޔާރުވެ، އޭނަގެ ލުކް ވެސް ފައިނަލްކޮށްފައިވާ ކަމަށެވެ. މިއީ އާމިރުގެ އަމިއްލަ ފިލްމު ކުންފުނިން ޕްރޮޑިއުސް ވެސް ކުރާ އެއްޗެކެވެ.
