ކުރިން އެކީގައި މަސައްކަތްކުރި އެކްޓަރުންގެ ތެރެއިންް ގޯވިންދާ އަކީ އެކުގައި އަދިވެސް މަސައްކަތް ކުރަން ބޭނުންވާ މީހެއް ކަމަށާއި ގޯވިންދާގެ ކައިރިން ވަރަށް ގިނަ އެއްޗިހި ދަސްވި ކަމަށް ބަތަލާ ޝިލްޕާ ޝޭޓީ ބުނެފިއެވެ.
އެމެޒޯން ޕްރައިމް ވީޑިއޯ އިން ޕްރީމިއާކުރަން ހަމަޖެހިފައިވާ އޭނަގެ ފުރަތަމަ ވެބް ސީރީޒް "އިންޑިއަން ޕޮލިސް ފޯސް" ގެ ޕްރޮމޯޝަންގެ ތެރެއިން ބޮލީވުޑް ލައިފަށް ދިން އިންޓަވިއުއެއްގައި 48 އަހަރުގެ ބަތަލާ ބުނީ އޭނަ އާއި އެކުގައި ކުރިން މަސައްކަތް ކުރި އެކްތަރުންގެ ތެރެއިން ގޯވިންދާ އަދި ސުނިލް ޝެޓީ އާއި އެކުގައި މަސައްކަތް ކުރަން ބޭނުން ވާކަމަށެވެ.
ގޯވިންދާ އާއި އެކުގައި ޝިލްޕާ ވަނީ ކާމިޔާބު ފިލްމް ތަކެއްގައި މަސައްކަތް ކޮށްފައިއެވެ އެގޮތުން "ޕަރްދޭސީ ބާބޫ" އާއި "ޗޯޓޭ ސަރުކާރު" އަދި "ގޭމްބްލާ" ފަދަ ފިލްމްތަށް ފާހަގަ ކޮށްލެވެއެވެ.
https://www.youtube.com/watch?v=MqnDcHkpUOo
މީގެ އިތުރުން މި އިންޓަވިއުގައި ވާހަކަ ދައްކަމުން ޝިލްޕާ ބުނީ އަކްޝޭ ކުމާރާއި އެކުގައިވެސް މަސައްކަތް ކުރަން ބޭނުންވާ ކަމަށެވެ.. މި ދެ ތަރިންނަކީ ކުރިން ވަރަށް ސީރިއަސް ލޯބީގެ ގުޅުމެއް ބޭއްވި ބައެކެވެ. ނަމަވެސް އެ ގުޅުން ނިމުމަކަށް އައިސް ދެމީހުންގެ ހަޔާތަށް އައު ބައިވެރިން އައިސް މިހާރު އުޅެނީ ވަރަށް އުފާވެރި ދިރިއުޅުމެކެވެ. އަކްޝޭ ކައިވެނި ކުރީ ބަތަލާ ޓްވިންކަލް ކަންނާއާއި އެވެ. އަދި ޝިލްޕާ ކައިވެނި ކުރީ ވިޔަފާރީވެރިއެއް ކަމުގައިވާ ރާޖް ކުންދުރާއާއިއެވެ. ކޮންމެ މީހެއްގެ ވެސް ދެދަރިން ވެސް އެބަ ތިއްބެވެ.
